'മകന് ഐസ്ക്രീമില് വിഷം കലര്ത്തി നല്കി'; ഭര്ത്താവും മറ്റു 2 മക്കളും വീട്ടിലില്ലാതിരുന്ന നേരത്ത് യുവതി ജീവനൊടുക്കിയതായി പൊലീസ്
Sep 15, 2021, 08:32 IST
ADVERTISEMENT
ആലപ്പുഴ: (www.kvartha.com 15.09.2021) ഇളയ മകന് ഐസ്ക്രീമില് വിഷം കലര്ത്തി നല്കിയ ശേഷം മാതാവ് ജീവനൊടുക്കിയതായി പൊലീസ്. അമ്പലപ്പുഴ വടക്ക് ഗ്രാമപഞ്ചായത്തില് പള്ളിവെളിവീട്ടില് മുജീബിന്റെ ഭാര്യ റഹ് മത്ത്(39) ആണ് മരിച്ചത്.
ചൊവ്വാഴ്ച വൈകുന്നേരമായിരുന്നു സംഭവം. 7 വയസുകാരനായ മകന് മുഫാസിനെ ആലപ്പുഴ മെഡികല് കോളജ് ആശുപത്രിയില് പ്രവേശിപ്പിച്ചു. കുട്ടി തീവ്രപരിചരണ വിഭാഗത്തില് ചികിത്സയിലാണ്.
ഹോടെല് തൊഴിലാളിയായ ഭര്ത്താവും മൂത്ത മറ്റു 2 മക്കളും വീട്ടിലില്ലാതിരുന്ന സമയത്താണ് യുവതി കടുംകൈ ചെയ്തതെന്ന് പൊലീസ് പറഞ്ഞു. മകന് വിഷം നല്കിയശേഷം യുവതിയും കഴിച്ചതായി പൊലീസ് പറയുന്നു. യുവതിയുടെ മൃതദേഹം മെഡികല് കോളജ് ആശുപത്രിയിലെ മോര്ചറിയിലേക്ക് മാറ്റി.
റഹ് മത്ത് ആത്മഹത്യാപ്രവണതയുള്ള ആളാണെന്നും 8 വര്ഷമായി മാനസിക വിഭ്രാന്തിക്ക് ജില്ലാ ആശുപത്രിയില് ചികിത്സയിലായിരുന്നെന്നും പൊലീസ് അറിയിച്ചു.
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്സ്ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
