To Stop Cough | നിര്‍ത്താതെയുള്ള ചുമ ബുദ്ധിമുട്ടുണ്ടാക്കുന്നുവോ? വിഷമിക്കേണ്ട അകറ്റാന്‍ വീട്ടില്‍ തന്നെ പരീക്ഷിക്കാവുന്ന ചില എളുപ്പ മാര്‍ഗങ്ങള്‍ അറിയാം!

 

വരണ്ട ചുമയാണ് ഏറെക്കാലം നീണ്ടുനില്‍ക്കാന്‍ സാധ്യതയുള്ളതും രോഗികളെ വലയ്ക്കുന്നതുമെന്ന് ഡോക്ടര്‍മാര്‍ പറയുന്നു. രണ്ട് മാസത്തോളം നീണ്ടുനില്‍ക്കുന്ന ചുമയെയാണ് വിട്ടുമാറാത്ത ചുമയായി കണക്കാക്കേണ്ടത്.
വരണ്ട ചുമ നമുക്ക് ഏറ്റവും അസ്വസ്ഥത പകരുന്നതാണ്. ചുമയ്ക്കുമ്പോള്‍ കഫം വരാതിരിക്കുന്നതിനോടൊപ്പം ജലദോഷം, മൂക്കൊലിപ്പ് തുമ്മല്‍ തുടങ്ങിയ ലക്ഷണങ്ങളോടും കൂടിയാകാം വരണ്ട ചുമയും പ്രകടമാകാറുള്ളത്.

തൊണ്ടയില്‍ എന്തോ കുടുങ്ങിയിരിക്കുന്ന തോന്നല്‍ ആകും കഫച്ചുമയ്ക്ക്. കഫത്തോട് കൂടിയുള്ള ചുമയാണ് ഉള്ളതെങ്കില്‍ ചുമയ്ക്കുമ്പോള്‍ ഇത് മൂക്ക്, തൊണ്ട ഭാഗത്ത് അടിഞ്ഞുകൂടി കിടക്കുന്ന കഫത്തെ പുറന്തള്ളുകയും ചെയ്യും. എന്നാല്‍ ഇതിനു വിപരീതമായി വരണ്ട ചുമയാണ് ഉള്ളതെങ്കില്‍ ഇത് കഫത്തെ പുറന്തള്ളുകയില്ല.

ശ്വാസകോശ നാളി, തൊണ്ട, തുടങ്ങിയ ഭാഗങ്ങളില്‍ അടിഞ്ഞുകൂടിയിരിക്കുന്ന കഫം വരണ്ടതായി മാറുമ്പോഴാണ് സാധാരണഗതിയില്‍ വരണ്ട ചുമയുടെ ലക്ഷണങ്ങള്‍ ഉണ്ടാവുന്നത്. സ്വാഭാവികമായി തൊണ്ടയുടെ ഭാഗങ്ങളില്‍ ഉണ്ടാവുന്ന ഇക്കിളിപ്പെടുത്തലുകളും കരകരപ്പും ഒക്കെയാണ് ഇത്തരത്തില്‍ ഒരാളെ ചുമക്കാന്‍ പ്രേരിപ്പിക്കുന്നത്. എങ്കിലും ചുമക്കുമ്പോള്‍ ഒട്ടുംതന്നെ കഫം പുറത്തേക്ക് വരികയും ഇല്ല.

ചുമ അകറ്റാന്‍ വീട്ടില്‍ പരീക്ഷിക്കാവുന്ന ചില എളുപ്പ മാര്‍ഗങ്ങള്‍ ഇതാ

*ഹണി ടീ

ചുമ അകറ്റാന്‍ ഫലപ്രദമായ മരുന്നാണ് തേന്‍ എന്ന് അനുഭവസ്ഥര്‍ പറയുന്നു. ചെറുചൂടുവെള്ളത്തില്‍ രണ്ട് ടീസ്പൂണ്‍ തേന്‍ ചേര്‍ത്ത് കുടിച്ചാല്‍ കഫക്കെട്ട്, ചുമ എന്നിവ അകറ്റാന്‍ സഹായിക്കുമെന്ന് പഠനങ്ങള്‍ പറയുന്നു. എന്നാല്‍ ഒരു വയസിന് താഴെയുള്ള കുട്ടികള്‍ക്ക് ഒരു കാരണവശാലും തേന്‍ നല്‍കരുതെന്നും ഡോക്ടര്‍മാര്‍ മുന്നറിയിപ്പ് നല്‍കുന്നു.

*ചുക്ക്

ചുക്ക്, ജീരകം, പഞ്ചസാര എന്നിവ സമം ചേര്‍ത്ത് ഉപയോഗിച്ചാല്‍ ചുമ ശമിക്കും. ചുക്ക്, ശര്‍ക്കര, എള്ള് ഇവ ചേര്‍ത്ത് കഴിക്കുന്നതും നല്ലതാണ്.

*സൂപ്പ്

ചുമ മാറാന്‍ വളരെ നല്ലതാണ് സൂപ്പ്. ചികനോ വെജിറ്റബിളോ ഏത് സൂപ്പായാലും ചെറുചൂടോടെ കുടിക്കുന്നത് ചുമ കുറയ്ക്കുന്നതിന് സഹായിക്കുന്നു.

* ഉപ്പ് വെള്ളം

ഉപ്പ് വെള്ളം കവിള്‍ക്കൊള്ളുന്നത് ചുമയ്ക്കും കഫക്കെട്ടിനും തൊണ്ട വേദനയ്ക്കും ഏറെ ആശ്വാസമേകും. എട്ട് ഔണ്‍സ് ചൂടുവെള്ളത്തില്‍ അര ടീസ്പൂണ്‍ ഉപ്പ് ചേര്‍ത്ത് വേണം കവിള്‍ക്കൊള്ളാന്‍.

* തുളസിയില

തുളസിയില ചുമ മാറാന്‍ നല്ല മരുന്നാണ്. ഒരു കപ്പ് വെള്ളത്തില്‍ കുറച്ച് തുളസി ഇലകളും ഒരു കഷ്ണം ഇഞ്ചിയും പൊടിച്ച കുരുമുളകും ചേര്‍ത്ത് തിളപ്പിച്ചശേഷം കുടുക്കുക.

* പുതിനയില

ചുമയ്ക്കും കഫക്കെട്ടിനും ഏറ്റവും മികച്ചൊരു മരുന്നാണ് പുതിനയില. പുതിന ചായ കുടിക്കുകയോ ആവി പിടിക്കുകയോ ചെയ്യാം. പുതിനയിലയിലെ മെന്തോള്‍ ആണ് കഫക്കെട്ടിന് പരിഹാരം നല്‍കുന്നത്.

*ധാരാളം ദ്രാവകങ്ങള്‍ കുടിക്കുക