Steel Bombs | കൂത്തുപറമ്പില്‍ നിന്നും പൊലീസ് റെയ്ഡില്‍ ഉഗ്രസ് ഫോടക ശേഷിയുള്ള സ്റ്റീല്‍ ബോംബുകള്‍ കണ്ടെത്തി

 
Highly explosive steel bombs found amid intensified police search in Kannur, Kannur, News, Steel Bombs, Police, Raid, Police Station, Bomb Sqad,  Kerala


കണ്ടെത്തിയത് ആമ്പിലാട് റോഡിലെ കിണറ്റിന്റവിടെയുള്ള ആളൊഴിഞ്ഞ പറമ്പില്‍ നിന്നും

തലശ്ശേരി എരഞ്ഞോളിയില്‍ കഴിഞ്ഞദിവസം ബോംബ് പൊട്ടി വയോധികന്‍ മരിച്ചിരുന്നു
 

കണ്ണൂര്‍: (KVARTHA) രാഷ്ട്രീയ സംഘര്‍ഷം നില നില്‍ക്കുന്ന ജില്ലയിലെ കൂത്തുപറമ്പ് പൊലീസ് സ്റ്റേഷന്‍ പരിധിയില്‍ നിന്നും സ്റ്റീല്‍ ബോംബുകള്‍ കണ്ടെത്തി. കൂത്തുപറമ്പ് ആമ്പിലാട് റോഡിലെ കിണറ്റിന്റവിടെയുള്ള ആളൊഴിഞ്ഞ പറമ്പില്‍ നിന്നാണ് സ്റ്റീല്‍ ബോംബുകള്‍ കണ്ടെത്തിയത്. 

കൂത്തുപറമ്പ് പൊലീസ് കൂത്തുപറമ്പ്, തലശ്ശേരി, മാഹി, മട്ടന്നൂര്‍ എന്നിവിടങ്ങളിലായി ശനിയാഴ്ച രാവിലെ നടത്തിയ പരിശോധനയിലാണ് ബോംബുകള്‍ കണ്ടെത്തിയത്. തലശ്ശേരി എരഞ്ഞോളിയില്‍ കഴിഞ്ഞദിവസം ബോംബ് പൊട്ടി വേലായുധന്‍ (80) എന്ന വയോധികന്‍ മരിച്ചിരുന്നു. ഇതിനുശേഷമാണ് തലശ്ശേരി താലൂകിലെ പൊലീസ് സ്റ്റേഷന്‍ പരിധിയില്‍ ബോംബുകള്‍ക്കായുള്ള തിരച്ചില്‍ തുടങ്ങിയത്. ഉഗ്രശേഷിയുള്ള ബോംബുകളാണ് കണ്ടെത്തിയതെന്ന് പൊലീസ് അറിയിച്ചു. കണ്ണൂരില്‍ നിന്നെത്തിയ ബോംബ് സ്‌ക്വാഡ് ഇത് നീര്‍വീര്യമാക്കിയിട്ടുണ്ട്.

ഇവിടെ വായനക്കാർക്ക് അഭിപ്രായങ്ങൾ രേഖപ്പെടുത്താം. സ്വതന്ത്രമായ ചിന്തയും അഭിപ്രായ പ്രകടനവും പ്രോത്സാഹിപ്പിക്കുന്നു. എന്നാൽ ഇവ കെവാർത്തയുടെ അഭിപ്രായങ്ങളായി കണക്കാക്കരുത്. അധിക്ഷേപങ്ങളും വിദ്വേഷ - അശ്ലീല പരാമർശങ്ങളും പാടുള്ളതല്ല. ലംഘിക്കുന്നവർക്ക് ശക്തമായ നിയമനടപടി നേരിടേണ്ടി വന്നേക്കാം.

Tags

Share this story

wellfitindia