കേരളത്തിലെ ആരോഗ്യമേഖല നവീകരിക്കാന്‍ ആഗോളനിക്ഷേപകരുടെ എല്ലാവിധ സഹകരണവും പിന്തുണയും മന്ത്രി സ്വാഗതം ചെയ്തു. ആരോഗ്യമേഖലയില്‍ കൂടുതല്‍ വിദഗ്ധരുടെ എണ്ണം അനിവാര്യമാണ്.
മെഡിക്കല്‍- പാരാമെഡിക്കല്‍ മേഖലയില്‍ ധാരാളം പേരെ പരിശീലിപ്പിക്കുന്നുണ്ടെങ്കിലും ആധുനികസാങ്കേതികവിദ്യയില്‍ അധിഷ്ഠിതമായ പരിശീലനവും പരിശീലകരുമാണ് ഇന്നാവശ്യം. അതിനാല്‍ മെഡിക്കല്‍ ഗവേഷണം, അക്കാദമികസഹകരണം, ടെലി മെഡിസിന്‍, നൈപുണ്യവികസനം എന്നീ മേഖലകളിലുള്ള നിക്ഷേപസഹകരണത്തെ സ്വാഗതം ചെയ്യുന്നതായും മന്ത്രി പറഞ്ഞു.
ഇന്ത്യയിലെ മറ്റു സംസ്ഥാനങ്ങളില്‍ നിന്നു വ്യത്യസ്തമായി കേരളത്തില്‍ ആയുര്‍വേദത്തിന് അനന്തസാധ്യതയാണുള്ളത്. അനുയോജ്യമായ കാലാവസ്ഥ, സ്വാഭാവികവനങ്ങളുടെ സാന്നിധ്യം തുടങ്ങിയവ ആയുര്‍വേദചികിത്സയ്ക്ക് അനുകൂലഘടകങ്ങളാണ്. ഈ മേഖലയില്‍ കൂടുതല്‍ നിക്ഷേപങ്ങള്‍ വന്നാല്‍ ആയുര്‍വേദരംഗത്ത് നമ്മുടെ സംസ്ഥാനത്തെ ലോകശ്രദ്ധയിലെത്തിക്കാന്‍ സാധിക്കും. മെഡിക്കല്‍ ടൂറിസം രംഗത്ത് കേരളം വളരെ വേഗത്തില്‍ വളരുകയാണ്. 30 ശതമാനമാണ് നമ്മുടെ വളര്‍ച്ചാനിരക്ക്. കുറഞ്ഞ ചെലവ്, ആധുനികസാങ്കേതികവിദ്യയുടെ ലഭ്യത, അന്താരാഷ്ട്രനിലവാരത്തിലുള്ള ചികിത്സ, വേഗത്തിലുള്ള ചികിത്സ എന്നിവയാണ് ഇതിനു കാരണം.
ഈ മേഖലയും നിക്ഷേപകരെ ആകര്‍ഷിക്കാന്‍ പര്യാപ്തമാണ്. കേരളത്തില്‍ ആരോഗ്യമേഖലയില്‍ പുതിയ സംരംഭങ്ങള്‍ തുടങ്ങുന്നതിനും മതിയായ അടിസ്ഥാനസൗകര്യങ്ങള്‍ ഒരുക്കുന്നതിനും ഒരു ലൈഫ് സയന്‍സ് പാര്‍ക്കും ഹെല്‍ത്ത് സയന്‍സ് പാര്‍ക്കും സ്ഥാപിക്കാന്‍ ഉദ്ദേശിക്കുന്നതായും മന്ത്രി പറഞ്ഞു.
Keywords: Medicines, Kerala, Malayalam News, Government, Minister V.S Shivakumar, Kvartha.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
