Gold Seized | വിമാനത്തിലെ ശൗചാലയത്തില്‍ രണ്ടുകോടി രൂപയുടെ സ്വര്‍ണം ഉപേക്ഷിക്കപ്പെട്ടനിലയില്‍; കണ്ടെത്തിയത് പൊടിച്ചെടുത്ത് പ്രോട്ടീന്‍ പൗഡറുമായി കൂട്ടിച്ചേര്‍ത്ത് കുഴമ്പുരൂപത്തിലാക്കി പേപറില്‍ പൊതിഞ്ഞനിലയില്‍

 സ്വര്‍ണം പൊടിച്ചെടുത്ത് പ്രോട്ടീന്‍ പൗഡറുമായി കൂട്ടിച്ചേര്‍ത്ത് കുഴമ്പ് രൂപത്തിലാക്കി കറുത്ത നിറത്തിലും വെളുത്ത നിറത്തിലുമുളള പേപറുകള്‍ ഉപയോഗിച്ച് പൊതിഞ്ഞ നിലയിലായിരുന്നുവെന്ന് ഡി ആര്‍ ഐ ഉദ്യോഗസ്ഥര്‍ പറഞ്ഞു.

ശാര്‍ജയില്‍നിന്ന് വരുന്ന വിമാനത്തില്‍ സ്വര്‍ണം കടത്തുന്നതായി ഡയറക്ടറേറ്റ് ഓഫ് റവന്യൂ ഇന്റലിജന്‍സിന്റെ (DRI) തിരുവനന്തപുരം യൂനിറ്റിന് രഹസ്യ വിവരം ലഭിച്ചിരുന്നു. ഇതിന്റെ അടിസ്ഥാനത്തില്‍ വിമാനമെത്തിയശേഷം കസ്റ്റംസിന്റെ എയര്‍ ഇന്റലിജന്‍സ് യൂനിറ്റും ഡി ആര്‍ ഐ യും നടത്തിയ പരിശോധനയിലാണ് ശൗചായത്തില്‍ നിന്നും സ്വര്‍ണം കണ്ടെടുത്തത്.

രണ്ടാഴ്ച മുമ്പ് ദുബൈയില്‍ നിന്നുള്ള വിമാനത്തിലെത്തിയ തിരുവനന്തപുരം പൊലീസ് സ്റ്റേഷന്‍ പരിധിയിലെ അശബ്ജാന്‍ വിമാനത്താവളത്തിലെ ശൂചീകരണ തൊഴിലാളികള്‍ക്ക് ശൗചാലയത്തില്‍വച്ച് ആഭരണങ്ങളും സ്വര്‍ണവും കൈമാറിയ സംഭവവും ഉണ്ടായിരുന്നു. പിന്നീട് ഇവരെ ഡി ആര്‍ ഐ സംഘം പിടികൂടിയിരുന്നു. ഏകദേശം 1,400 ഗ്രാം തൂക്കമുളളതും 90 ലക്ഷം വിലവരുന്നതുമായ സ്വര്‍ണമാണ് ഇവരില്‍ നിന്നും അന്ന് പിടിച്ചെടുത്തത്.

അഷബ്ജാന്‍, ശുചീകരണ തൊഴിലാളികളായ ഹെവിന്‍ ഹെന്‍ട്രി, ലിബിന്‍ ലോപ്പസ് എന്നിവരെയാണ് ഡി ആര്‍ ഐ പിടികൂടിയത്. ഇവര്‍ക്കെതിരെ കസ്റ്റംസും കേസെടുത്തിരുന്നു. തുടര്‍ന്ന് സ്വര്‍ണക്കടത്തിന് കൂട്ടുനിന്ന ശൂചീകരണ തൊഴിലാളികളെ കംപനി ജോലിയില്‍നിന്ന് പിരിച്ചുവിടുകയും ചെയ്തു.