പാര്‍ട്ടി പ്രതിരോധം മറികടന്ന്‌ ടിപിയുടെ സാമ്പത്തീക ബാധ്യത തിരിച്ചടയ്ക്കാന്‍ സഖാക്കള്‍ രംഗത്ത്
Jul 18, 2012, 11:39 IST
ADVERTISEMENT
തന്റെ പുതിയ വീട് പണിതുയര്‍ത്താന്‍ ടിപി ചന്ദ്രശേഖരന്‍ ബാങ്കില്‍ നിന്നുമെടുത്ത ലോണ്‍ തിരിച്ചടച്ച് കുടുംബത്തിന്‌ സഹായം നല്‍കാനാണ്‌ സഖാക്കളുടെ തീരുമാനം. സ്വപ്നഭവനം യാഥാര്‍ഥ്യമാക്കാന്‍ ടി.പി. 10 ലക്ഷം രൂപയുടെ ബാങ്ക് വായ്പയാണെടുത്തിരുന്നത്.
ടി.പി കൊല്ലപ്പെട്ട ശേഷം, കോഴിക്കോട്ട് നടന്ന സി.പി.എം. വിമതരുടെ കൂട്ടായ്മയിലാണ് പണം സ്വരൂപിക്കാന്‍ തീരുമാനിച്ചത്. സി.പി.എം. വിമതരുടെ ഈ നീക്കത്തെ പാര്‍ട്ടിതലത്തില്‍ പ്രതിരോധിക്കാനും നീക്കം സജീവമായിരുന്നു. പക്ഷേ, ടി.പിയോട് ആദരവുള്ള ഒട്ടേറെ പ്രവര്‍ത്തകര്‍ പാര്‍ട്ടിയുടെ പ്രതിരോധം മറികടന്നു. വായ്പ തിരിച്ചടയ്ക്കാമെന്ന് ആര്‍.എം.പി. പ്രവര്‍ത്തകര്‍ നേരത്തെ പറഞ്ഞിരുന്നു.
ടി.പി. വധത്തില്‍ പാര്‍ട്ടിയുടെ നിലപാടിനോട് യോജിക്കാത്ത ഒട്ടേറെ പേര്‍ ഈ ശ്രമത്തിന് പിന്തുണയേകി. ജുലൈ മാസം പുതിയ വീട്ടില്‍ കയറി താമസിക്കണമെന്ന് ടി.പി. ആഗ്രഹിച്ചിരുന്നു. ഈ ആഗ്രഹം സഫലമാക്കാനാണ് രമയും കുടുംബവും ഈ മാസംതന്നെ വീട്ടില്‍ താമസം തുടങ്ങിയത്. ടി.പിയുടെ മരണശേഷം, രമ ആദ്യമായി ഈ വീട്ടില്‍ കയറിയത് വി.എസിനൊപ്പമായിരുന്നു.
Keywords: Kozhikode, Kerala, T.P Chandrasekhar, Murder Case, CPM, Housing Loan, Finance
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്‌സ്‌ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
