Fever & Food | പനിയുള്ള അവസരങ്ങളില്‍ ഈ ഭക്ഷണങ്ങള്‍ കഴിക്കാന്‍ പാടില്ലെന്ന് പറയുന്നതിൻ്റെ കാരണം

 

കൊച്ചി: (KVARTHA) പനി മനുഷ്യനെ സംബന്ധിച്ചിടത്തോളം ഇടയ്ക്കിടെ വരുന്ന ഒരു അസുഖമാണ്. മഴക്കാലത്തും തണുപ്പുകാലത്തും വേനല്‍ കാലത്തും ഈ അസുഖം നമ്മെ തേടിയെത്താം. പനി ഉള്ളപ്പോള്‍ ആകെ ക്ഷീണിച്ചിരിക്കും. ഉന്മേഷം ഇല്ലാത്ത അവസ്ഥ. ഭക്ഷണ കാര്യങ്ങളിലൊന്നും താല്‍പര്യം കാണില്ല. വിശ്രമം എടുക്കേണ്ട സമയമാണിത്.

പനിയുള്ളപ്പോള്‍ ഭക്ഷണകാര്യത്തിലും പ്രത്യേകം ശ്രദ്ധ വേണം. കാരണം പനിയുള്ളപ്പോള്‍ ദഹനപ്രവര്‍ത്തനങ്ങള്‍ നടക്കുന്നത് വളരെ പതുക്കെയായിരിക്കും. അതുകൊണ്ടു തന്നെ ഈ സമയത്ത് ദഹിക്കാന്‍ എളുപ്പമുള്ള ഭക്ഷണങ്ങളാണ് കഴിക്കേണ്ടത്. അത്തരം ഭക്ഷണങ്ങളെ പരിചയപ്പെടാം.

Fever & Food | പനിയുള്ള അവസരങ്ങളില്‍ ഈ ഭക്ഷണങ്ങള്‍ കഴിക്കാന്‍ പാടില്ലെന്ന് പറയുന്നതിൻ്റെ കാരണം

*അസിഡിക് ഭക്ഷണങ്ങള്‍

ഓറഞ്ച് പോലുള്ള സിട്രസ് ഫ്രൂട്ട്‌സ്, തക്കാളി തുടങ്ങിയവയിലൊക്കെ ആസിഡ് അടങ്ങിയിരിക്കുന്നതിനാല്‍ പനിയുള്ളപ്പോള്‍ കഴിക്കുന്നത് ദഹനക്കേടിന് കാരണമാകും.

*പഞ്ചസാര അടങ്ങിയ ഭക്ഷണങ്ങള്‍

പനിയുള്ളപ്പോള്‍ പഞ്ചസാര ധാരാളം അടങ്ങിയ ഭക്ഷണങ്ങളും ഡയറ്റില്‍ നിന്നും ഒഴിവാക്കുന്നത് നല്ലതാണ്. ഇവ ശരീരത്തിന്റെ രോഗ പ്രതിരോധശേഷി കുറയാന്‍ കാരണമാകും.

*എരുവുള്ള ഭക്ഷണങ്ങള്‍

പനിയുള്ളപ്പോള്‍ എരുവുള്ള ഭക്ഷണങ്ങള്‍ കഴിക്കുന്നത് ചിലരില്‍ ദഹന പ്രശ്‌നങ്ങള്‍ക്ക് ഇടയാക്കാം. അതുകൊണ്ടുതന്നെ ഈ സമയത്ത് എരുവുള്ള ഭക്ഷണങ്ങള്‍ പരമാവധി ഒഴിവാക്കുക.

*ഇറച്ചി


കൊഴുപ്പുള്ള ഇറച്ചിയും പനിയുള്ളപ്പോള്‍ ദഹിക്കാന്‍ പ്രയാസമാണ്. അതിനാല്‍ ഇവയും ഒഴിവാക്കുക.

*പാലുല്‍പന്നങ്ങള്‍

പാലും പാലുല്‍പന്നങ്ങളും പനിയുള്ളപ്പോള്‍ ഒഴിവാക്കുന്നത് നല്ലതാണ്. കാരണം ദഹിക്കാന്‍ സമയമെടുക്കും.

*എണ്ണയില്‍ പൊരിച്ച ഭക്ഷണങ്ങള്‍

എണ്ണയില്‍ പൊരിച്ച ഭക്ഷണങ്ങളില്‍ ഫാറ്റ് കൂടുതലായിരിക്കും. പനിയുള്ളപ്പോള്‍ ദഹിക്കാന്‍ സമയമെടുക്കും. അതിനാല്‍ ഇവയും ഒഴിവാക്കുക.

*സംസ്‌കരിച്ച ഭക്ഷണങ്ങള്‍

സംസ്‌കരിച്ച ഭക്ഷണങ്ങളിലും കൊഴുപ്പ് ധാരാളം അടങ്ങിയിട്ടുണ്ട്. അതിനാല്‍ ഇവ കഴിക്കുന്നത് ദഹനക്കേടിന് കാരണമാകും.

*കോഫി


പനിയുള്ളപ്പോള്‍ അമിതമായി കോഫി കുടിക്കുന്നതും നല്ലതല്ല. കഫീന്‍ കൂടുതല്‍ ക്ഷീണത്തിന് കാരണമാകും.

*മദ്യം

പനിയുള്ളപ്പോള്‍ മദ്യപിക്കുന്നത് നിര്‍ജലീകരണത്തിനും, രോഗ പ്രതിരോധശേഷി കുറയാനും കാരണമാകും.

Keywords: Foods to avoid eating during and after fever, Kochi, News, Fever, Food, Health Tips, Health, Warning, Cofi, Kerala News.
ഇവിടെ വായനക്കാർക്ക് അഭിപ്രായങ്ങൾ രേഖപ്പെടുത്താം. സ്വതന്ത്രമായ ചിന്തയും അഭിപ്രായ പ്രകടനവും പ്രോത്സാഹിപ്പിക്കുന്നു. എന്നാൽ ഇവ കെവാർത്തയുടെ അഭിപ്രായങ്ങളായി കണക്കാക്കരുത്. അധിക്ഷേപങ്ങളും വിദ്വേഷ - അശ്ലീല പരാമർശങ്ങളും പാടുള്ളതല്ല. ലംഘിക്കുന്നവർക്ക് ശക്തമായ നിയമനടപടി നേരിടേണ്ടി വന്നേക്കാം.

Tags

Share this story

wellfitindia