Allegation | തെരുവ് നായയുടെ കടിയേറ്റ് 12 വയസ്സുകാരി മരിച്ച സംഭവത്തില് ചികിത്സാ പിഴവ് ആരോപിച്ച് കുടുംബം
Sep 5, 2022, 15:36 IST
ADVERTISEMENT
കോട്ടയം: (www.kvartha.com) തെരുവ് നായയുടെ കടിയേറ്റ് 12 വയസ്സുകാരി അഭിരാമി മരിച്ച സംഭവത്തില് ചികിത്സാ പിഴവ് ആരോപിച്ച് കുടുംബം. കുട്ടിയെ പെരുനാട് പ്രാഥമികാരോഗ്യ കേന്ദ്രത്തിലും പത്തനംതിട്ട ജെനറല് ആശുപത്രിയിലും പ്രവേശിപ്പിച്ചെങ്കിലും കൃത്യമായ പ്രാഥമിക ചികിത്സ കിട്ടിയില്ല. പരിമിതിയുണ്ടെന്ന് ആശുപത്രി ജീവനക്കാര് അറിയിച്ചതായി അഭിരാമിയുടെ അമ്മ മാധ്യമങ്ങളോട് പറഞ്ഞു.
തുടര്ന്നായിരുന്നു മെഡികല് കോളജില് പ്രവേശിപ്പിച്ചത്. എന്നിട്ടും ആരോഗ്യം വഷളാവുകയായിരുന്നു. കുട്ടിക്ക് പനിയുണ്ടെന്ന് പറഞ്ഞിട്ടും തിങ്കളാഴ്ച രാവിലെ പോലും ഡോക്ടര്മാര് കാര്യമായി പരിഗണിച്ചില്ലെന്നും മാതാവ് ആരോപിച്ചു.
പേപ്പട്ടി വിഷബാധയ്ക്കുള്ള വാക്സിന്റെ മൂന്ന് കുത്തിവെപ്പ് എടുത്തെങ്കിലും കുട്ടിയുടെ ആരോഗ്യനില വഷളായിരുന്നു. കുട്ടിയുടെ സ്രവങ്ങള് പുനെ വൈറോളജി ലാബിലേക്ക് പരിശോധനയ്ക്ക് അയച്ചിരുന്നു. വൈകിട്ട് പരിശോധനാഫലം വരാനിരിക്കെയാണ് മരണം.
ആഗസ്റ്റ് 14-നാണ് പെരുനാട് മന്ദപ്പുഴ ചേര്ത്തലപ്പടി ഷീനാഭവനില് അഭിരാമിക്ക് തെരുവുനായയുടെ കടിയേറ്റത്. രാവിലെ പാല് വാങ്ങാന് പോകുമ്പോഴായിരുന്നു നായ കടിച്ചത്. ഓടിരക്ഷപ്പെടാന് ശ്രമിച്ച അഭിരാമിയുടെ പിന്നാലെ എത്തി നായ കൈകാലുകളിലും മുഖത്തും വലതുകണ്ണിനോട് ചേര്ന്ന ഭാഗത്തും കടിക്കുകയായിരുന്നു.
Keywords: Family alleges medical malpractice in 12-year-old girl's death after being bitten by a stray dog, Kottayam, News, Hospital, Treatment, Allegation, Doctor, Family, Kerala.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
