Environment sector | പരിസ്ഥിതി സംവേദക മേഖല: കോടതി തീരുമാനം വേഗത്തിലാക്കാനുള്ള നടപടികള്‍ സ്വീകരിക്കണമെന്ന് കേന്ദ്ര സര്‍കാരിനോട് ആവശ്യപ്പെടുമെന്ന് മുഖ്യമന്ത്രി

കേരളത്തിന്റെ പ്രത്യേക സാഹചര്യം പരിഗണിച്ച് ജനവാസമേഖലകളും കൃഷിയിടങ്ങളും ഒഴിവാക്കി കേന്ദ്ര സര്‍കാരിനു സമര്‍പ്പിച്ച പ്രൊപോസലുകള്‍ അംഗീകരിക്കണം. സുപ്രീംകോടതി വിധിയുടെ അടിസ്ഥാനത്തില്‍ കേരളം പോലുള്ള സംസ്ഥാനങ്ങളുടെ ആവശ്യം പരിഗണിച്ച് അനിവാര്യമെങ്കില്‍ നിയമനിര്‍മാണം നടത്തണമെന്നും യോഗത്തില്‍ ആവശ്യം ഉയര്‍ന്നു.

ജനസാന്ദ്രത കൂടിയ 109 പഞ്ചായതുകള്‍ കൂടി സി ആര്‍ ഇസഡ് 2 കാറ്റഗറിയില്‍ ഉള്‍പെടുത്തുന്നതിന് കേന്ദ്ര സര്‍കാരില്‍ സമ്മര്‍ദം ചെലുത്തണം.

നേമം കോചിംഗ് ടെര്‍മിനല്‍ യാഥാര്‍ഥ്യമാക്കാന്‍ എംപിമാര്‍ കേന്ദ്ര റെയില്‍വേ മന്ത്രിയെ കാണാന്‍ തീരുമാനിച്ചു. റെയില്‍വേ ട്രാകിനു കുറുകെ ഇ എച് റ്റി ലൈനുകള്‍ നിര്‍മിക്കുന്നതിന് റെയില്‍വേയില്‍ നിന്നും അനുമതി ലഭിക്കേണ്ടതുണ്ട്.

കണ്ണൂര്‍ അന്താരാഷ്ട്ര വിമാനത്താവളത്തില്‍ നിന്നും വിദേശ കംപനികള്‍ക്ക് സര്‍വീസ് നടത്താന്‍ പോയിന്റ് ഓഫ് കോള്‍ അനുവദിക്കുന്നതിനും ആസിയാന്‍ രാജ്യങ്ങളുമായി ഓപണ്‍ സ്‌കൈ പോളിസിയുടെ ഗുണങ്ങള്‍ ലഭ്യമാക്കുന്നതിനും ഇടപെടണം.

മനുഷ്യ - വന്യജീവി സംഘര്‍ഷം ലഘൂകരിക്കുന്നതിന് കേന്ദ്ര സര്‍കാരില്‍ നിന്നും പദ്ധതി വിഹിതത്തില്‍ ഉള്‍പെടുത്തിയോ പ്രത്യേക ഫണ്ടായോ തുക അനുവദിപ്പിക്കാന്‍ അടിയന്തര ശ്രദ്ധയുണ്ടാവണം. ഹിന്ദി ഭാഷ നിര്‍ബന്ധമാക്കാനുള്ള നീക്കത്തില്‍ നിന്ന് പിന്തിരിയണമെന്ന് എം പിമാര്‍ സമ്മര്‍ദം ചെലുത്തണമെന്നും മുഖ്യമന്ത്രി അഭ്യര്‍ഥിച്ചു.

Keywords: Environment sensor sector: Chief Minister will ask central government to take steps to speed up court decision, Thiruvananthapuram, News, Chief Minister, Pinarayi-Vijayan, Meeting, Environment, Kerala.