കണ്ണൂർ ജില്ലാ മെഡിക്കൽ ഓഫീസർ ഡോ പിയൂഷ് എം നമ്പൂതിരിപ്പാടിനെ സംസ്ഥാന എയ്ഡ്സ് കൺട്രോൾ ഡയറക്ടറായി നിയമിച്ചു

കണ്ണൂർ: (KVARTHA) കണ്ണൂർ ജില്ലാ മെഡിക്കൽ ആഫീസറും ആരോഗ്യ വകുപ്പ് അഡീഷണൽ ഡയറക്ടറുമായ ഡോ പിയൂഷ് എം നമ്പൂതിരിപ്പാടിനെ സംസ്ഥാന എയ്ഡ്സ് കൺട്രോൾ ഡയറക്ടറായി നിയമിച്ചു. ഈ ഉന്നത പദവിയിലേക്കുള്ള അദ്ദേഹത്തിന്റെ നിയമന ഉത്തരവ് കഴിഞ്ഞ ദിവസം പുറത്തിറങ്ങി. കോഴിക്കോട് മേപ്പയൂർ സ്വദേശിയായ ഡോക്ടർ അടുത്ത ദിവസം തിരുവനന്തപുരത്ത് പുതിയ ചുമതലയേൽക്കും.

കണ്ണൂർ ജില്ലാ മെഡിക്കൽ ആഫീസർ എന്ന നിലയിൽ കഴിഞ്ഞ രണ്ട് വർഷത്തോളം അദ്ദേഹം സുത്യർഹമായ പ്രവർത്തനമാണ് നടത്തിയത്. 'ആരോഗ്യ മേഖലയിലെ കണ്ണൂർ മോഡൽ' എന്ന മുദ്രാവാക്യം മുന്നോട്ട് വെച്ചാണ് അദ്ദേഹം കണ്ണൂർ ജില്ലയിലെ പൊതുജനാരോഗ്യ മേഖലയിൽ ഒട്ടേറെ വികസന പ്രവർത്തങ്ങൾക്ക് നേതൃത്വം നൽകിയത്. ഈ പ്രവർത്തനങ്ങളിലൂടെയാണ് ഡോ പിയൂഷ് ജനകീയനായ ഡോക്ടർ എന്നറിയപ്പെടുന്നത്.

അക്കാഡമിക്ക് രംഗത്തും ഡോക്ടർക്ക് തിളക്കമുണ്ട്. നിയമത്തിലും, സംഗീതത്തിലും ഉൾപ്പെടെ ഒമ്പതിലധികം വിഷയങ്ങളിൽ അദ്ദേഹത്തിന് ബിരുദാനന്തര ബിരുദം ഉണ്ട്. അക്കാഡമിക്ക് ബിരുദങ്ങൾക്ക് അപ്പുറം മികച്ച മനുഷ്യസ്നേഹി എന്ന നിലയിലാണ് ഡോ പീയൂഷിൻ്റെ സേവനങ്ങൾ ജനകീയമായി മാറിയത്.

ആരോഗ്യ മേഖലയിലെ മികച്ച പ്രവർത്തനങ്ങൾക്ക് ഒപ്പം കലാ സാംസ്കാരിക രംഗത്തും അദ്ദേഹം നിറ സാന്നിദ്ധ്യമായിരുന്നു. ഒരു വാഗ്മി, പ്രഭാഷകൻ എന്നീ നിലകളിൽ സാംസ്കാരിക പ്രഭാഷണങ്ങളും, കവിതാലാപനത്തിലും ഡോക്ടർ സക്രിയമായി പങ്കെടുക്കാറുണ്ട്. നിരവധി പുരസ്കാരങ്ങൾ ലഭിച്ചിട്ടുള്ള അദ്ദേഹം പല കൃതികളുടെയും ഗ്രന്ഥകർത്താവ് കൂടിയാണ്.

ഡോ പിയൂഷ് എം നമ്പൂതിരിപ്പാടിന്റെ പുതിയ ചുമതലയെക്കുറിച്ച് നിങ്ങളുടെ അഭിപ്രായം പങ്കുവെക്കുക.

Article Summary: Dr Piyush M Namboodiripad is appointed State AIDS Control Director after successful tenure in Kannur.

#KeralaHealth #AIDSControl #DrPiyushNamboodiripad #NewAppointment #KannurModel #PublicHealth