Complaint | കെ കെ ശൈലജയ്ക്കെതിരെയുളള സൈബര്‍ ആക്രമണം; തിരഞ്ഞെടുപ്പ് കമിഷന് പരാതി നല്‍കി പികെ ശ്രീമതി
Apr 16, 2024, 20:55 IST
ADVERTISEMENT
കണ്ണൂര്‍: (KVARTHA) വടകര എല്‍ഡിഎഫ് സ്ഥാനാര്‍ഥി കെകെ ശൈലജക്കെതിരായ അപവാദ പ്രചാരണത്തില്‍ തിരഞ്ഞെടുപ്പ് കമീഷന് പരാതി നല്‍കി സിപിഎം കേന്ദ്രകമിറ്റി അംഗം പി കെ ശ്രീമതി. ശൈലജയ്ക്കെതിരെ നടക്കുന്നത് സംസ്‌കാരശൂന്യമായ സൈബര്‍ ആക്രമണമെന്ന് പി കെ ശ്രീമതി പറഞ്ഞു. ടീചറുടെ ചിത്രം മോര്‍ഫ് ചെയ്ത് അശ്ലീല പരാമര്‍ശങ്ങളാണ് സൈബറിടത്തില്‍ നടക്കുന്നത്.
ശൈലജ ടീചറുടെ ജനപ്രീതിയില്‍ വിറളി പിടിച്ചവരാണ് നീചമായ സൈബര്‍ ആക്രമണം നടത്തുന്നതെന്നും പി കെ ശ്രീമതി പറഞ്ഞു. തികച്ചും സ്ത്രീ വിരുദ്ധ പരാമര്‍ശങ്ങളിലൂടെ വ്യക്തിഹത്യ നടക്കുകയാണ്. കേരളത്തിന്റെ മുന്‍ ആരോഗ്യ മന്ത്രി, എം എല്‍ എ, മഹിളാ അസോസിയേഷന്‍ നേതാവ് തുടങ്ങിയ നിലകളിലെല്ലാം അറിയപ്പെടുന്ന വ്യക്തിത്വത്തെയാണ് ഇങ്ങനെ ഹീനമായി അധിക്ഷേപിച്ചിരിക്കുന്നത്. ഇതേക്കുറിച്ച് വിശദമായ അന്വേഷണം നടത്തി കര്‍ശന നടപടി സ്വീകരിക്കണമെന്ന് അഭ്യര്‍ഥിക്കുന്നുവെന്നും പി കെ ശ്രീമതി ആവശ്യപ്പെട്ടു.
ശൈലജ ടീചറുടെ ജനപ്രീതിയില്‍ വിറളി പിടിച്ചവരാണ് നീചമായ സൈബര്‍ ആക്രമണം നടത്തുന്നതെന്നും പി കെ ശ്രീമതി പറഞ്ഞു. തികച്ചും സ്ത്രീ വിരുദ്ധ പരാമര്‍ശങ്ങളിലൂടെ വ്യക്തിഹത്യ നടക്കുകയാണ്. കേരളത്തിന്റെ മുന്‍ ആരോഗ്യ മന്ത്രി, എം എല്‍ എ, മഹിളാ അസോസിയേഷന്‍ നേതാവ് തുടങ്ങിയ നിലകളിലെല്ലാം അറിയപ്പെടുന്ന വ്യക്തിത്വത്തെയാണ് ഇങ്ങനെ ഹീനമായി അധിക്ഷേപിച്ചിരിക്കുന്നത്. ഇതേക്കുറിച്ച് വിശദമായ അന്വേഷണം നടത്തി കര്‍ശന നടപടി സ്വീകരിക്കണമെന്ന് അഭ്യര്‍ഥിക്കുന്നുവെന്നും പി കെ ശ്രീമതി ആവശ്യപ്പെട്ടു.
Keywords: Cyber-attack against KK Shailaja; PK Sreemathi filed a complaint with the Election Commission, Kannur, News, Cyber-attack, Police, Complaint, Probe, Politics, CPM, Kerala News.
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്‌സ്‌ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
