തിരുവനന്തപുരം: (KVARTHA) പോലീസ് സ്റ്റേഷനിലേക്ക് കസ്റ്റഡിയിലെടുത്ത് കൊണ്ടുവരുന്ന വ്യക്തികളെ വൈദ്യപരിശോധനയ്ക്ക് വിധേയമാക്കിയ ശേഷം മാത്രമേ സ്റ്റേഷൻ ലോക്കപ്പിൽ സൂക്ഷിക്കാവൂ എന്ന നിർദ്ദേശം കർശനമായി നടപ്പാക്കണമെന്ന് സംസ്ഥാന മനുഷ്യാവകാശ കമ്മീഷൻ ചെയർമാൻ ജസ്റ്റിസ് അലക്സാണ്ടർ തോമസ് ഉത്തരവിട്ടു.

പരാതിക്കിടയായത് പോലുള്ള സംഭവങ്ങൾ ആവർത്തിക്കാതിരിക്കാൻ ആവശ്യമായ നിർദ്ദേശങ്ങൾ കീഴുദ്യോഗസ്ഥർക്ക് നൽകണമെന്ന് കമ്മീഷൻ തിരുവനന്തപുരം റൂറൽ ജില്ലാ പോലീസ് മേധാവിക്ക് നിർദ്ദേശം നൽകി.

തലയോലപറമ്പിൽ നിന്ന് ഓട്ടോറിക്ഷയിൽ മടങ്ങുകയായിരുന്ന തേനീച്ചകർഷകരെ കിളിമാനൂർ പോലീസ് സ്റ്റേഷന് സമീപത്തുനിന്ന് കസ്റ്റഡിയിലെടുത്ത് മർദ്ദിച്ചെന്ന പരാതിയിലാണ് കമ്മീഷൻ്റെ ഈ ഉത്തരവ്. 2024 ജൂൺ 28ന് ഈ പരാതിയിൽ കമ്മീഷൻ ഇടക്കാല ഉത്തരവ് പുറപ്പെടുവിച്ചിരുന്നു.

കർഷകർക്ക് മർദ്ദനമേറ്റതിന് തെളിവുകളില്ലെന്ന് റൂറൽ ജില്ലാ പോലീസ് മേധാവി കമ്മീഷനെ അറിയിച്ചെങ്കിലും, പോലീസ് സ്റ്റേഷനിൽ കൊണ്ടുവരുന്ന വ്യക്തികളെ വൈദ്യപരിശോധനയ്ക്ക് വിധേയമാക്കിയ ശേഷമേ സ്റ്റേഷൻ ലോക്കപ്പിൽ സൂക്ഷിക്കാവൂ എന്ന നിർദ്ദേശം കിളിമാനൂർ പോലീസ് പാലിച്ചിട്ടില്ലെന്ന് കമ്മീഷൻ കണ്ടെത്തി. ഇക്കാര്യത്തിൽ പോലീസിൻ്റെ ഭാഗത്ത് ജാഗ്രതക്കുറവുണ്ടായെന്നും, ഇത്തരത്തിലുള്ള വീഴ്ചകൾ മേലിൽ ആവർത്തിക്കരുതെന്ന് ശക്തമായ താക്കീത് നൽകിയിട്ടുണ്ടെന്നും പോലീസ് റിപ്പോർട്ടിൽ സമ്മതിക്കുന്നു. തിരുവനന്തപുരം പന്ത സ്വദേശി സജി എസ്.വി. സമർപ്പിച്ച പരാതിയിലാണ് കമ്മീഷൻ നടപടി സ്വീകരിച്ചത്.

ഈ സുപ്രധാന വാർത്ത പങ്കുവെച്ച് കൂടുതൽ പേരിലേക്ക് എത്തിക്കൂ!

Summary: The Kerala State Human Rights Commission has ordered strict implementation of the directive that individuals brought into police custody must undergo medical examination before being placed in the lock-up. This order follows a complaint about the alleged assault of beekeepers in Kilimanoor. The commission noted a lack of vigilance by the Kilimanoor police and warned against future negligence.

#HumanRightsCommission, #PoliceCustody, #MedicalExamination, #KeralaPolice, #AssaultComplaint, #Justice