Criticized | മനം മടുത്താണ് താന്‍ കോണ്‍ഗ്രസ് വിട്ട് ബി ജെ പിയില്‍ ചേര്‍ന്നതെന്ന് മത്സ്യ തൊഴിലാളി നേതാവും പൂവാര്‍ മുന്‍ പഞ്ചായത് പ്രസിഡന്റുമായിരുന്ന അഡ്വ. ആന്റൊ മെര്‍സലിന്‍

തിരുവനന്തപുരം: (KVARTHA) മനം മടുത്താണ് താന്‍ കോണ്‍ഗ്രസ് വിട്ട് ബി ജെ പിയില്‍ ചേര്‍ന്നതെന്ന് മത്സ്യ തൊഴിലാളി നേതാവും പൂവാര്‍ മുന്‍ പഞ്ചായത് പ്രസിഡന്റുമായിരുന്ന അഡ്വ. ആന്റൊ മെര്‍സലിന്‍. കോണ്‍ഗ്രസ്, കമ്യൂണിസ്റ്റ് പാര്‍ടികള്‍ തന്നെ പിന്തുണച്ചിരുന്നു. എന്നാല്‍ പൂവാര്‍ മേഖലയില്‍ മാത്രമല്ല തലസ്ഥാന ജില്ലയില്‍ മീന്‍പിടുത്ത തൊഴിലാളികള്‍ക്കുവേണ്ടി ഒരു വികസന പദ്ധതിയും ഇരു മുന്നണികളും നടപ്പാക്കിയില്ലെന്ന് അദ്ദേഹം ആരോപിച്ചു.

കേന്ദ്രത്തില്‍ ബി ജെ പി അധികാരത്തില്‍ എത്തിയതിന് ശേഷമാണ് മീന്‍പിടുത്ത തൊഴിലാളികള്‍ക്കു വേണ്ടി ഒരു വകുപ്പും മന്ത്രിമാരെയും നിയമിച്ചത്. അഞ്ച് അക്വ പാര്‍കില്‍ ഒരെണ്ണം കേരളത്തിന് ലഭിക്കും. കേരളമാണ് പരമ്പരാഗത മീന്‍പിടുത്ത തൊഴിലാളികളുടെ ഹബ് എന്നും അദ്ദേഹം പറഞ്ഞു.