സിപിഎം നേതാവിനെ കാണാതായെന്ന് പരാതി; പൊലീസ് കേസെടുത്ത് അന്വേഷണം ആരംഭിച്ചു
Oct 1, 2021, 12:14 IST
ADVERTISEMENT
അമ്പലപ്പുഴ: (www.kvartha.com 01.10.2021) സി പി എം നേതാവിനെ കാണാതായെന്ന് പരാതി. സംഭവത്തിന് പിന്നാലെ വ്യാഴാഴ്ച നടത്താനിരുന്ന
സി പി എം തോട്ടപ്പള്ളി പൂത്തോപ്പ് ബ്രാഞ്ച് സമ്മേളനം മാറ്റിവച്ചിരുന്നു.
ബ്രാഞ്ച് കമ്മിറ്റി അംഗം തോട്ടപ്പള്ളി പൊരിയന്റെ പറമ്പില്‍ സജീവിനെ കാണാതായെന്നാണ് ഭാര്യയുടെ പരാതി. സംഭവത്തില്‍ അമ്പലപ്പുഴ പൊലീസ് കേസെടുത്ത് അന്വേഷണം ആരംഭിച്ചു.
സി പി എം തോട്ടപ്പള്ളി പൂത്തോപ്പ് ബ്രാഞ്ച് സമ്മേളനം മാറ്റിവച്ചിരുന്നു.
ബ്രാഞ്ച് കമ്മിറ്റി അംഗം തോട്ടപ്പള്ളി പൊരിയന്റെ പറമ്പില്‍ സജീവിനെ കാണാതായെന്നാണ് ഭാര്യയുടെ പരാതി. സംഭവത്തില്‍ അമ്പലപ്പുഴ പൊലീസ് കേസെടുത്ത് അന്വേഷണം ആരംഭിച്ചു.
ബുധനാഴ്ച ഉച്ചക്കുശേഷമാണ് മീന്‍തൊഴിലാളി കൂടിയായ സജീവിനെ കാണാതായത്. ഉച്ചക്ക് ഒന്നോടെ ഇദ്ദേഹം പുറക്കാട് പുത്തന്‍നടയില്‍ ഓടോയിലിറങ്ങുന്നത് നാട്ടുകാര്‍ കണ്ടിരുന്നു. ഇതിനുശേഷമാണ് കാണാതായതെന്ന് സജീവിന്റെ ഭാര്യയുടെ പരാതിയില്‍ പറയുന്നു.
ലോകല്‍ കമിറ്റിയുടെ നിര്‍ദേശപ്രകാരമാണ് ബ്രാഞ്ച് സമ്മേളനം മാറ്റിയത്. പാര്‍ടിയില്‍ വിഭാഗീയത ഏറ്റവും കൂടുതല്‍ നിലനില്‍ക്കുന്ന ഒരു കേന്ദ്രമാണ് തോട്ടപ്പള്ളി. ബ്രാഞ്ച് കമിറ്റി അംഗത്തെ സമ്മേളന നടപടികള്‍ ആരംഭിക്കാനിരിക്കെ കാണാതായത് വിവാദത്തിനും വിഭാഗീയതയ്ക്കും ഇടയാക്കി.
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്‌സ്‌ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
