Chief Minister | ശിവനോട് പാപി ചേര്‍ന്നാല്‍ ശിവനും പാപിയായി മാറും; ദല്ലാള്‍ നന്ദകുമാറുമായുള്ള സൗഹ്യദത്തില്‍ ഇപിക്ക് ജാഗ്രത കുറവുണ്ടായെന്ന് മുഖ്യമന്ത്രി

കണ്ണൂര്‍: (KVARTHA) ഇപി ജയരാജന് ജാഗ്രത കുറവുണ്ടായെന്ന് മുഖ്യമന്ത്രി പിണറായി വിജയന്‍. വോടവകാശം വിനിയോഗിക്കാനെത്തിയപ്പോള്‍ പിണറായിയില്‍ മാധ്യമ പ്രവര്‍ത്തകരോട് സംസാരിക്കുകയായിരുന്നു അദ്ദേഹം. വിപുലമായ സൗഹൃദമുള്ളയാളാണ് ഇപി. അതുകൊണ്ടുതന്നെ ഇത്തരം കാര്യങ്ങള്‍ സംഭവിച്ചേക്കാം. ശിവനോട് പാപി ചേര്‍ന്നാല്‍ ശിവനും പാപിയായി മാറുമെന്ന പഴഞ്ചൊല്ലുണ്ടെന്നും ദല്ലാള്‍ നന്ദകുമാറിനെ സൂചിപ്പിച്ചുകൊണ്ടു മുഖ്യമന്ത്രി പറഞ്ഞു.

തനിക്ക് നേരത്തെ അറിയാവുന്നയാളാണ് ദല്ലാള്‍ നന്ദകുമാര്‍. തനിക്കെതിരെയും പ്രവര്‍ത്തിച്ചിട്ടുണ്ട്. എന്നാല്‍ ഇപി ജയരാജന്‍ പാര്‍ടി വിട്ടുപോവുമെന്ന് കരുതുന്നില്ല. അത്തരമൊരു സാഹചര്യം നിലവില്‍ ഇല്ലെന്നും മുഖ്യമന്ത്രി പറഞ്ഞു. ബിജെപി നേതാവ് പ്രകാശ് ജാവേദ്കറെ കണ്ടതില്‍ തെറ്റില്ല.