കണ്ണൂരില് ഓടോറിക്ഷാ ഡ്രൈവര് സ്കൂള് വിദ്യാര്ഥിയെ മര്ദിച്ച സംഭവം; ബാലാവകാശ കമിഷന് കേസെടുത്തു
Mar 2, 2021, 18:45 IST
ADVERTISEMENT
കണ്ണൂര്: (www.kvartha.com 02.03.2021) പാനൂര് മുത്താറിപ്പീടികയില് ഓടോറിക്ഷാ ഡ്രൈവര് സ്കൂള് വിദ്യാര്ഥിയെ മര്ദിച്ച സംഭവത്തില് ബാലാവകാശ കമിഷന് കേസെടുത്തു. ചെയര്മാന് കെ വി മനോജിന്റെ നിര്ദേശപ്രകാരമാണ് കമിഷന് കേസെടുത്തത്. സംഭവത്തില് പാനൂര് പൊലീസും നേരത്തെ കേസെടുത്തിരുന്നു.
സഹപാഠിയായ പെണ്കുട്ടിയുടെ കൂടെ നടന്നതിനാണ് മുത്താറിപ്പീടികയിലെ ഓട്ടോറിക്ഷ ഡ്രൈവറായ ജിനീഷ് പത്താംക്ലാസ് വിദ്യാര്ഥിയെ നടുറോഡിലിട്ട് മര്ദിച്ചത്. തിങ്കളാഴ്ച ഉച്ചയ്ക്കായിരുന്നു സദാചാര ഗുണ്ടായിസം അരങ്ങേറിയത്. മോഡല് പരീക്ഷ കഴിഞ്ഞ് മടങ്ങുകയായിരുന്ന വിദ്യാര്ഥിയെ തടഞ്ഞുനിര്ത്തി ആദ്യം മുഖത്തടിച്ച ജിനീഷ് പിന്നീട് ക്രൂരമായി മര്ദിക്കുകയായിരുന്നു.
എന്നാല് ജിനീഷ് തല്ലുന്നത് കണ്ടുനിന്ന ഓടോ സ്റ്റാന്ഡിലെ മറ്റ് തൊഴിലാളികളൊന്നും ഇയാളെ പിടിച്ചുമാറ്റാന് ശ്രമിച്ചിരുന്നില്ല. സംഭവത്തിന്റെ സിസിടിവി ദൃശ്യങ്ങള് പുറത്തുവന്നിട്ടുണ്ട്. സംഭവത്തില് കുട്ടിയുടെ പിതാവ് കഴിഞ്ഞദിവസം തന്നെ പാനൂര് പൊലീസില് പരാതി നല്കിയിരുന്നു. ഇതോടെ ആളുമാറി മര്ദിച്ചെന്നായിരുന്നു ജിനീഷിന്റെ വിശദീകരണം. പരാതി പിന്വലിപ്പിക്കാനും ശ്രമമുണ്ടായി. പാനൂര് പൊലീസും കേസ് ഒതുക്കി തീര്ക്കാന് ശ്രമിച്ചതായും കുട്ടിയുടെ കുടുംബം ആരോപിച്ചിരുന്നു.
Keywords: Class 10 boy beaten up for walking with classmate in Kannur; Child Rights Commission books case, Kannur, News, Case, Student, Attack, Kerala.
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്സ്ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
