സാഹചര്യങ്ങളോടു പടപൊരുതി തന്റെ സ്വപ്നം സാക്ഷാല്കരിച്ച ജെനിയുടെ ജീവിതം സ്ത്രീകള്ക്കും സാധാരണക്കാര്ക്കും നല്കുന്ന പ്രചോദനം വളരെ വലുത്; കേരളത്തിലെ ഏറ്റവും പ്രായം കുറഞ്ഞ വനിതാ കൊമേഷ്യല് പൈലറ്റ് ജെനി ജെറോമിന് അഭിനന്ദനവുമായി മുഖ്യമന്ത്രി പിണറായി വിജയന്
May 23, 2021, 17:36 IST
ADVERTISEMENT
തിരുവനന്തപുരം: (www.kvartha.com 23.05.2021) മലയാളിയായ വനിതാ കൊമേഷ്യല് പൈലറ്റ് ജെനി ജെറോമിന് അഭിനന്ദനവുമായി മുഖ്യമന്ത്രി പിണറായി വിജയന്. ഫെയ്സ്ബുക്ക് കുറിപ്പിലൂടെയാണ് അദ്ദേഹത്തിന്റെ പ്രതികരണം. തിരുവനന്തപുരം ജില്ലയിലെ തീരദേശ ഗ്രാമമായ കൊച്ചുതുറ സ്വദേശിയായ ജെനിയുടെ നേട്ടം കേരളത്തിന്റെ ഒന്നടങ്കം അഭിമാനമാണെന്ന് മുഖ്യമന്ത്രി പറഞ്ഞു.
സാഹചര്യങ്ങളോടു പടപൊരുതി തന്റെ സ്വപ്നം സാക്ഷാല്കരിച്ച ജെനിയുടെ ജീവിതം സ്ത്രീകള്ക്കും സാധാരണക്കാര്ക്കും നല്കുന്ന പ്രചോദനം വലുതാണ്. സ്ത്രീ-പുരുഷ തുല്യതയെക്കുറിച്ചുള്ള സാമൂഹികാവബോധവും അത് സൃഷ്ടിക്കുന്നു. ജെനിയുടെ ആഗ്രഹങ്ങള്ക്ക് പിന്തുണ നല്കി കൂടെ നിന്ന കുടുംബവും സമൂഹത്തിന് മാതൃകയാണ്.
പെണ്കുട്ടികള്ക്ക് പിന്തുണ നല്കുന്ന ആ മാതൃക ഏറ്റെടുക്കാന് സമൂഹം ഒന്നാകെ തയ്യാറാകണമെന്നും മുഖ്യമന്ത്രി അഭിപ്രായപ്പെട്ടു. ജെനിയ്ക്ക് കൂടുതല് ഉയരങ്ങള് കീഴടക്കാന് ആകട്ടെ എന്നും അദ്ദേഹം ആശംസിച്ചു.
കഴിഞ്ഞദിവസമാണ് ഷാര്ജയില് നിന്ന് തിരുവനന്തപുരത്തേക്ക് ജെനി തന്റെ കന്നിപ്പറക്കല് നടത്തിയത്. എയര് അറേബ്യ വിമാനത്തിന്റെ കോ പൈലറ്റായിരുന്നു ഈ കൊച്ചുതുറ സ്വദേശിനി.
പിണറായി വിജയന്റെ ഫെയ്സ്ബുക്ക് കുറിപ്പിന്റെ പൂര്ണരൂപം;
കേരളത്തിന്റെ അഭിമാനമായി മാറിയ ജെനി ജെറോമിന് അഭിനന്ദനങ്ങള്. തിരുവനന്തപുരം ജില്ലയിലെ തീരദേശ ഗ്രാമമായ കൊച്ചുതുറ സ്വദേശിയായ ജെനിയുടെ നേട്ടം കേരളത്തിന്റെ ഒന്നടങ്കം അഭിമാനമാണ്.
സാഹചര്യങ്ങളോടു പടപൊരുതി തന്റെ സ്വപ്നം സാക്ഷാല്കരിച്ച ജെനിയുടെ ജീവിതം സ്ത്രീകള്ക്കും സാധാരണക്കാര്ക്കും നല്കുന്ന പ്രചോദനം വലുതാണ്.
സ്ത്രീ-പുരുഷ തുല്യതയെക്കുറിച്ചുള്ള സാമൂഹികാവബോധവും അത് സൃഷ്ടിക്കുന്നു. ജെനിയുടെ ആഗ്രഹങ്ങള്ക്ക് പിന്തുണ നല്കി കൂടെ നിന്ന കുടുംബവും സമൂഹത്തിന് മാതൃകയാണ്. പെണ്കുട്ടികള്ക്ക് പിന്തുണ നല്കുന്ന ആ മാതൃക ഏറ്റെടുക്കാന് സമൂഹം ഒന്നാകെ തയ്യാറാകണം. ജെനിയ്ക്ക് കൂടുതല് ഉയരങ്ങള് കീഴടക്കാന് ആകട്ടെ എന്ന് ഹൃദയപൂര്വം ആശംസിക്കുന്നു.
Keywords: Chief Minister Pinarayi Vijayan congratulates Jeni Jerome, Thiruvananthapuram, News, Pilot, Woman, Chief Minister, Pinarayi Vijayan, Facebook Post, Kerala.
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്സ്ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
