ജനങ്ങള്ക്ക് സ്വാതന്ത്ര്യ ദിനാശംസകള് നേര്ന്ന് ഗവര്ണറും മുഖ്യമന്ത്രിയും
Aug 14, 2021, 19:58 IST
ADVERTISEMENT
തിരുവനന്തപുരം: (www.kvartha.com 14.08.2021) ജനങ്ങള്ക്ക് സ്വാതന്ത്ര്യ ദിനാശംസകള് നേര്ന്ന് ഗവര്ണര് ആരിഫ് മുഹമ്മദ് ഖാനും മുഖ്യമന്ത്രി പിണറായി വിജയനും. നമ്മുടെ ഭരണഘടന വിഭാവനം ചെയ്ത സോഷ്യലിസവും മതേതരത്വവും ജനാധിപത്യവും നിലനില്ക്കുന്ന സ്വതന്ത്ര പരമാധികാര രാഷ്ട്രമായി ഇന്ഡ്യയെ അടയാളപ്പെടുത്തുന്നതിനാവശ്യമായ ചിന്തകളാല് സമ്പന്നമായിരിക്കണം സ്വാതന്ത്ര്യ ദിനാഘോഷങ്ങള്.
വിമോചനത്തിന്റേയും സാമ്രാജ്യത്വവിരുദ്ധതയുടേയും തുല്യതയുടേയും ദര്ശനങ്ങളാല് സമ്പന്നമായിരുന്ന നമ്മുടെ ദേശീയതയെ തിരിച്ചു പിടിച്ചുകൊണ്ട്, വിഭാഗീയവും വര്ഗീയവും മനുഷ്യത്വശൂന്യവും മതാത്മകവുമായ ഫാസിസ്റ്റ് ദേശീയബോധത്തെ നിഷ്കാസനം ചെയ്യേണ്ട സന്ദര്ഭമാണിത്.
അതിനാവശ്യമായ ഇച്ഛാശക്തിയോടെ മുന്നോട്ടു പോകുമെന്ന് നമുക്ക് ഇന്ന് പ്രതിജ്ഞ ചെയ്യാം. സ്വാതന്ത്ര്യമെന്ന വാക്കിനെ അര്ത്ഥപൂര്ണമാക്കാം. നമ്മുടെ നാടിനെ ചരിത്രത്തിലേറ്റവും സമ്പന്നവും സമാധാനപൂര്ണവും ആയ മാതൃകാസ്ഥാനമാക്കി മാറ്റാം. എല്ലാവര്ക്കും ഹൃദയപൂര്വം സ്വാതന്ത്ര്യദിന ആശംസകള്.
എഴുപത്തി അഞ്ചാം സ്വാതന്ത്ര്യദിനം പ്രമാണിച്ച് സംസ്ഥാനത്തെ ജനങ്ങള്ക്കും ലോകമെമ്പാടുമുള്ള കേരളീയര്ക്കും ഗവര്ണര് ആരിഫ് മുഹമ്മദ് ഖാനുംആശംസകള് നേര്ന്നു. 'ലോകത്തെ ഏറ്റവും വലിയ ജനാധിപത്യ രാജ്യത്തെ പൗരന്മാരാണ് നാം.ഉദാത്തമായ ജനാധിപത്യമൂല്യങ്ങളിലൂടെ സ്വാതന്ത്ര്യത്തെയും സമത്വത്തെയും നിലനിര്ത്തി എല്ലാവര്ക്കും കൂടുതല് അന്തസാര്ന്ന ജീവിതം ഉറപ്പാക്കാന് ശ്രമിക്കേണ്ടത് നമ്മുടെ കടമയാണ്.
വര്ധിച്ച പുരോഗതിയും സ്വാശ്രയത്വവും എല്ലാവരെയും ഉള്കൊള്ളുന്ന സ്ഥിതിയും കൈവരിക്കാനുള്ള ഭാരതത്തിന്റെ ഉദ്യമങ്ങള്ക്ക് ശക്തി പകരുന്നതാണ് നമ്മുടെ സ്വാതന്ത്ര്യത്തിനുവേണ്ടി ജീവന് ബലിയര്പിച്ചവര്ക്കുള്ള ഉചിതമായ ശ്രദ്ധാഞ്ജലി. ഗവര്ണര് ആശംസയില് പറഞ്ഞു.
Keywords: Chief Minister Pinarayi Vijayan wished people a happy Independence Day, Thiruvananthapuram, News, Independence-Day-2021, Celebration, Chief Minister, Pinarayi Vijayan, Kerala.
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്സ്ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
