മ­നോ­ജി­ന്റെ മ­രണം: ഹര്‍ത്താല്‍ നടത്തി അക്രമം അഴി­ച്ചു­വിട്ട CPM മാപ്പു പറ­യണം: ചെര്‍ക്കളം

കാസര്‍കോട്: ഡി.­വൈ.­എ­ഫ്.­ഐ. കീക്കാനം യൂണിറ്റ് പ്രസി­ഡണ്ട് ആലി­ങ്കാല്‍ ടി. മനോ­ജിന്റെ മരണം ഹൃദ­യാ­ഘാതം മൂല­മാ­ണെന്ന് കോഴി­ക്കോട് മെഡി­ക്കല്‍ കോള­ജില്‍നി­ന്നുള്ള പോസ്റ്റ് മോര്‍ട്ടം റിപ്പോര്‍ട്ട് പുറ­ത്തു­വന്ന സാഹ­ച­ര്യ­ത്തില്‍ സി.­പി.­എം. മുസ്‌ലിം ലീഗി­നെ­തിരെ കള്ളപ്രചാ­ര­ണം നടത്തി ഹര്‍ത്താ­ലാ­ച­രി­ക്കു­കയും അതിന്റെ മറ­വില്‍ അക്രമം അഴി­ച്ചു­വി­ടു­കയും നാശ­ന­ഷ്ട­ങ്ങള്‍ വരു­ത്തു­കയും ചെയ്ത സംഭ­വ­ത്തെ­ക്കു­റിച്ച് അന്വേ­ഷണം നട­ത്ത­ണ­മെന്ന് മുസ്‌ലിം ലീഗ് ജില്ലാ പ്രസി­ഡണ്ട് ചെര്‍ക്കളം അബ്ദുല്ല പ്രസ്താ­വ­ന­യില്‍ ആവ­ശ്യ­പ്പെ­ട്ടു. ഇതു­സം­ബ­ന്ധിച്ച് ചെര്‍ക്കളം മുഖ്യ­മന്ത്രി ഉമ്മന്‍ചാ­ണ്ടി­യു­മായും ആഭ്യ­ന്തര മന്ത്രി തിരു­വ­ഞ്ചൂ­രു­മായും ഫോണില്‍ സംസാ­രി­ച്ചു.

നാട്ടില്‍ എന്തു പ്രശ്‌നം നട­ന്നാലും അത് മുസ്‌ലിം ലീഗിന്റെ മേല്‍ ചാര്‍ത്താ­നാണ് സി.­പി.­എം. ശ്രമി­ക്കു­ന്ന­ത്. മനോ­ജിനെ മുസ്‌ലിംലീഗ് പ്രവര്‍ത്ത­കര്‍ ചവി­ട്ടി­ക്കൊ­ന്ന­താ­ണെന്നും ഇത് ലീഗ് നേതൃ­ത്വ­ത്തിന്റെ അറി­വോ­ടെ­യാ­ണെന്നുമുള്ള സി.­പി.­എ­മ്മിന്റെ ആരോ­പണം പോസ്റ്റ്‌മോര്‍ട്ടം റിപ്പോര്‍ട്ട് പുറ­ത്തു­വ­ന്ന­തോ­ടു­കൂടി തെറ്റാ­ണെന്ന് തെളി­ഞ്ഞി­രി­ക്കു­ന്നു. മനോ­ജിന്റെ മര­ണ­ത്തില്‍ മുസ്‌ലിം ലീഗ് കുറ്റ­ക്കാ­ര­ല്ലെന്ന് ആദ്യം­മു­തല്‍തന്നെ പറ­ഞ്ഞി­രു­ന്നു. ഇപ്പോള്‍ പോസ്റ്റ്‌മോര്‍ട്ടം റിപ്പോര്‍ട്ട് വന്ന­തോടുകൂടി ഇന്നലെ ഹര്‍ത്താ­ലാ­ച­രിച്ച് പൊതു­ജ­ന­ങ്ങളെ ബുദ്ധി­മു­ട്ടിച്ച സി.­പി.­എം. പരി­ഹാ­സ്യ­രാ­യി­രി­ക്കു­ക­യാ­ണ്.

മനോ­ജിന്റെ ആക­സ്മിക മരണം മുസ്‌ലിം ലീഗ് നട­ത്തിയ കൊല­പാ­ത­ക­മാ­ണെന്ന് നുണ­പ്ര­ചാ­രണം നടത്തി സി.­പി.­എ­മ്മു­കാര്‍ ജില്ല­യി­ലു­ട­നീളം അക്രമം അഴി­ച്ചു­വി­ടു­കയും ആരാ­ധ­നാ­ല­യ­ങ്ങളും വീടു­കളും കട­കളും മുസ്ലിം ലീഗ് ഓഫീ­സു­കളും തകര്‍ക്കുകയും ചെയ്തി­രു­ന്നു. സി.­പി.­എം. നട­ത്തിയ എല്ലാ അക്ര­മ­ങ്ങ­ളെയും കുറിച്ച് വിശ­ദ­മായ അന്വേ­ഷണം നട­ത്താന്‍ സര്‍ക്കാര്‍ തയ്യാ­റാ­ക­ണം. മനോ­ജിന്റെ മൃത­ദേഹം വഹിച്ച് പ്രകോ­പനം സൃഷ്ടിക്കുന്ന വിലാ­പ­യാത്ര നടത്തി അക്രമം ക്ഷണി­ച്ചു­വ­രു­ത്താന്‍ സി.­പി.­എം. ശ്രമി­ക്ക­രു­തെന്ന് ചെര്‍ക്കളം പറ­ഞ്ഞു.

കാസര്‍കോട്ട് ഡി.­വൈ.­എ­ഫ്.­ഐ. പ്രവര്‍ത്ത­കനെ മുസ്‌ലിം ലീഗ് പ്രവര്‍ത്ത­കര്‍ ചവി­ട്ടി­ക്കൊ­ന്നു­വെന്ന നുണ­പ്ര­ചാ­രണം നടത്തി ഒരു ദിവസം ഹര്‍ത്താല്‍ നടത്തി ജന­ങ്ങളെ ബുദ്ധി­മു­ട്ടിച്ച ഇടതു മുന്നണി ജന­ങ്ങ­ളോട് മാപ്പു പറ­യ­ണ­മെന്ന് മുസ്‌ലിം ലീഗ് ജില്ലാ ജന­റല്‍ സെക്ര­ട്ടറി എം.­സി. ഖമ­റു­ദ്ദീന്‍ ആവ­ശ്യ­പ്പെ­ട്ടു.