രജിസ്ട്രേഷൻ റദ്ദായ 91,477 വാഹനങ്ങൾ നിരത്തിൽ; വാഹനാപകടങ്ങളിൽ പൊലിഞ്ഞത് 32 ജീവനുകൾ, എംവിഡിയെ കുറ്റപ്പെടുത്തി സിഎജി റിപ്പോർട്ട്
ADVERTISEMENT
● 12.18 കോടി രൂപയുടെ ഫിറ്റ്നസ് പിഴ ഈടാക്കുന്നതിൽ വീഴ്ച.
● ലൈസൻസില്ലാത്ത ഒട്ടേറെ ഓൺലൈൻ ടാക്സി സ്ഥാപനങ്ങൾ പ്രവർത്തിക്കുന്നു.
● 2.57 കോടിയുടെ ഹരിത നികുതി പിരിക്കുന്നതിലും എംവിഡിക്ക് വീഴ്ച.
തിരുവനന്തപുരം: (KVARTHA) രജിസ്ട്രേഷൻ കാലാവധി കഴിഞ്ഞ 91,477 വാഹനങ്ങൾ നിരത്തിൽ ഇറങ്ങിയതായും ഇവയുണ്ടാക്കിയ അപകടങ്ങളിൽ 32 ജീവനുകൾ നഷ്ടമായതായും സിഎജി റിപ്പോർട്ട്. വാഹന പരിശോധനയിലടക്കം മോട്ടോർ വാഹന വകുപ്പിൻ്റെ ഗുരുതരമായ അലംഭാവമാണ് എജി പരിശോധനയിൽ വെളിപ്പെട്ടത്.
സേഫ് കേരള ഉൾപ്പെടെ 85 എൻഫോഴ്സ്മെൻ്റ് സ്ക്വാഡുകൾ രാവും പകലും പരിശോധനയ്ക്കുണ്ടെങ്കിലും ഇത്തരം വാഹനങ്ങൾ നിരത്തിൽ ഇറങ്ങുന്നത് തടയാൻ ഉദ്യോഗസ്ഥർക്ക് കഴിയുന്നില്ല. 2023-24 വർഷത്തിൽ മാത്രം രജിസ്ട്രേഷൻ ഇല്ലാത്ത 344 വാഹനങ്ങളാണ് അപകടത്തിൽപ്പെട്ടത്.
ടെസ്റ്റിംഗ് സ്റ്റേഷനുകളും ഹരിത നികുതിയും
വാഹന പരിശോധനയ്ക്ക് ഒൻപത് ഓട്ടോമേറ്റഡ് ടെസ്റ്റിംഗ് സ്റ്റേഷനുകൾ സ്ഥാപിക്കാൻ 37.48 കോടി രൂപ സർക്കാർ അനുവദിച്ചെങ്കിലും രണ്ടെണ്ണം മാത്രമാണ് കുറച്ച് കാലമെങ്കിലും പ്രവർത്തിച്ചത്. ഇതിന് പുറമെ വാഹനങ്ങളിൽ നിന്നും 2.57 കോടി രൂപ ഹരിത നികുതി പിരിക്കുന്നതിലും മോട്ടോർ വാഹന വകുപ്പിന് ഗുരുതരമായ വീഴ്ച സംഭവിച്ചതായി റിപ്പോർട്ടിൽ വ്യക്തമാക്കുന്നു.
കോടികളുടെ റവന്യൂ നഷ്ടം
ഓൺലൈൻ ടാക്സി സേവനങ്ങൾക്കുള്ള അഗ്രഗേറ്റർ ലൈസൻസ് നൽകുന്നതിൽ വീഴ്ച വരുത്തിയത് വഴി 2.35 കോടി രൂപയുടെ നഷ്ടമുണ്ടായി. 47 സ്ഥാപനങ്ങൾ ലൈസൻസ് ഇല്ലാതെയാണ് പ്രവർത്തിച്ചത്. ലൈസൻസില്ലാത്ത റെൻ്റ് എ ക്യാബുകളുടെ പ്രവർത്തനം തടയാനും എംവിഡിക്ക് കഴിഞ്ഞില്ല.
ജിഎസ്ടി രേഖകൾ പ്രകാരം പ്രവർത്തിച്ചിരുന്ന 461 സ്ഥാപനങ്ങളും ലൈസൻസ് നേടിയിരുന്നില്ല. കൂടാതെ, ഫിറ്റ്നസ് ഇല്ലാതെ ഓടിയ വാഹനങ്ങളിൽ നിന്നും കൃത്യമായി പിഴ ഈടാക്കുന്നതിൽ വീഴ്ചവരുത്തിയതുവഴി 12.18 കോടി രൂപയുടെ വൻ നഷ്ടവും സർക്കാരിനുണ്ടായതായി സിഎജി റിപ്പോർട്ട് ചൂണ്ടിക്കാട്ടുന്നു.
ഈ വാർത്ത നിങ്ങളുടെ സുഹൃത്തുക്കൾക്കും വാട്സാപ്പ് ഗ്രൂപ്പുകളിലും ഷെയർ ചെയ്യുക. പുതിയ വാർത്തകൾ അറിയാൻ ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക് പോസ്റ്റിന് താഴെ കമന്റായി രേഖപ്പെടുത്തുക.
Article Summary: The CAG report heavily criticized the Kerala Motor Vehicles Department for its negligence in preventing 91,477 expired vehicles from plying on the roads, which caused 32 deaths, and highlighted massive revenue losses to the government due to uncollected fines and licensing failures.
#CAGReport #KeralaMVD #RoadSafety #MotorVehiclesDepartment #KeralaNews #MalayalamNews #AmmuNews
