Bomb| പാനൂരില്‍ ഉഗ്രശേഷിയുള്ള 4 നാടന്‍ ഐസ്‌ക്രീം ബോംബുകള്‍ പിടികൂടി; കണ്ടെത്തിയത് ആള്‍ താമസമില്ലാത്ത വീടിന്റെ അടുക്കളയുടെ ടെറസില്‍ പ്ലാസ്റ്റിക് സഞ്ചിയില്‍ സൂക്ഷിച്ച നിലയില്‍
Apr 19, 2022, 19:40 IST
കൂത്തുപറമ്പ്: (www.kvartha.com 19.04.2022) പാനൂര്‍ സ്റ്റേഷന്‍ പരിധിയിലെ മൊകേരിയില്‍ രഹസ്യവിവരമനുസരിച്ച് പൊലീസ് നടത്തിയ പരിശോധനയില്‍ നാല് ഉഗ്രശേഷിയുള്ള നാടന്‍ ഐസ് ക്രീം ബോംബുകള്‍ പിടികൂടി. മൊകേരി കുന്നുമ്മലില്‍ നിന്നാണ് ചൊവ്വാഴ്ച രാവിലെ പത്തുമണിയോടെ നടത്തിയ പരിശോധനയില്‍ ബോംബുകള്‍ കണ്ടെത്തിയത്.
അബ്ദുല്‍ സമദ് എന്നയാളുടെ താമസമില്ലാത്ത വീടിന്റെ അടുക്കളയുടെ ടെറസില്‍ പ്ലാസ്റ്റിക് സഞ്ചിയില്‍ സൂക്ഷിച്ച നിലയിലായിരുന്നു ബോംബുകള്‍. ഒഴിഞ്ഞ ഐസ് ക്രീം ബോള്‍ ഉപയോഗിച്ച് നിര്‍മിച്ചവയാണ് പിടികൂടിയ ബോംബുകള്‍. സ്ഥലത്തു നിന്നും ചണ നൂലുകള്‍, വെടിമരുന്ന് തിരി എന്നിവയും പൊലീസ് കണ്ടെത്തി.
പാനൂര്‍ എസ് ഐ മനോഹരന്‍, എസ് ഐ ബെന്നി മാത്യൂ, എ എസ് ഐ സുജോയ്, ബോംബ് സ്‌ക്വാഡ് എസ് ഐ ബാബു, സിവില്‍ പൊലീസ് ഓഫിസര്‍മാരായ ലിമേഷ്, പ്രവീണ്‍ എന്നിവര്‍ പരിശോധനയില്‍ പങ്കെടുത്തു.
Keywords: Four high-powered homemade ice cream bombs seized in Panur, Bomb, Police, Raid, Message, News, Kerala.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
