ഭര്‍ത്താവിന്റെ നാലാം വിവാഹം തടയണമെന്ന് രണ്ടാം ഭാര്യയുടെ പരാതി

നെടുമങ്ങാട്: ഭര്‍ത്താവിന്റെ നാലാം വിവാഹം തടയണമെന്ന് രണ്ടാം ഭാര്യ പോലീസില്‍ പരാതി നല്‍കി. ഇരിഞ്ചയം കുഴിവിള സ്വദേശി കെ. രാജന്റെ നാലാം വിവാഹം തടയണമെന്നാവശ്യപ്പെട്ടാണ് ഇയാളുടെ രണ്ടാം ഭാര്യയായ ഷേര്‍ളി നെടുമങ്ങാട് പോലീസില്‍ പരാതി നല്‍കിയത്. മറ്റൊരു സ്ത്രിയെ വിവാഹം കഴിച്ചത് മറച്ചുവെച്ചായിരുന്നു ഇയാള്‍ 2007 ല്‍ ഷേര്‍ളിയെ വിവാഹം കഴിച്ചത്.

അതിനുശേഷം വീണ്ടും ഇയാള്‍ മറ്റൊരു വിവാഹം കഴിച്ചതിനെത്തുടര്‍ന്ന് ചോദ്യം ചെയ്ത ഷേര്‍ലിയെ ഉപദ്രവിക്കാന്‍ തുടങ്ങി. ഉപദ്രവം അസഹ്യമായപ്പോള്‍ ഷേര്‍ലി സഹോദരങ്ങള്‍ക്കൊപ്പമായി താമസം. ഈ അവസരം പ്രയോജനപ്പെടുത്തി രാജന്‍ നിലമേല്‍ വെള്ളംപാറ സ്വദേശിനിയായ സ്ത്രീയുമായി വിവാഹം ഉറപ്പിക്കുകയായിരുന്നു.

ഈ വിവാഹം തടയണമെന്നാവശ്യപ്പെട്ടാണ് ഷേര്‍ലി നെടുമങ്ങാട് പോലീസില്‍ പരാതി നല്‍കിയത്. പരാതിയൊടൊപ്പം ശനിയാഴ്ച നടക്കുന്ന നാലാം വിവാഹത്തിന്റെ പത്രികയും ചേര്‍ത്തിട്ടുണ്ട്.

Keywords: Saturday, Rajan, Sherly, House, Brothers, Wife, Police, Kvartha, Malayalam Vartha, Kerala Vartha, Complaint, Police, Kerala, Kerala News, International News, National News, Gulf News, Health News, Educational News, Business News, Stock news, Gold News, Marriage.