മട്ടന്നൂരിൽ ബേക്കറി ജീവനക്കാരൻ കിണറ്റിൽ വീണു മരിച്ചു

കണ്ണൂർ: (KVARTHA) മട്ടന്നൂരിനടുത്ത് ശിവപുരം മൊട്ടഞ്ചാലിൽ ബേക്കറി ജീവനക്കാരനായ യുവാവ് അബദ്ധത്തിൽ വീട്ടു കിണറ്റിൽ വീണു മരിച്ചു. മരുവംഞ്ചേരിയിലെ മാവില അനീഷ് (45) ആണ് വീട്ടിനടുത്തുള്ള കിണറ്റിൽ വീണ് മരിച്ചത്.

ബുധനാഴ്ച രാത്രി എട്ടോടെ ജോലി കഴിഞ്ഞ് വീട്ടിലേക്ക് പോകുന്നതിനിടെ അബദ്ധത്തിൽ കിണറ്റിൽ വീഴുകയായിരുന്നു. നാട്ടുകാർ വിവരമറിയിച്ചതിനെ തുടർന്ന് മട്ടന്നൂരിൽനിന്ന് ഫയർഫോഴ്‌സ് സംഘം സ്ഥലത്തെത്തി രക്ഷാപ്രവർത്തനം നടത്തി. 

കിണറ്റിൽ വീണ അനീഷിനെ പുറത്തെടുത്ത് ഉരുവച്ചാലിലെ സ്വകാര്യ ആശുപത്രിയിൽ എത്തിച്ച് പ്രഥമ ശുശ്രൂഷ നൽകി. പിന്നീട് തലശ്ശേരി ഇന്ദിരാഗാന്ധി ആശുപത്രിയിലേക്ക് മാറ്റിയെങ്കിലും ജീവൻ രക്ഷിക്കാനായില്ല.

മട്ടന്നൂരിലെ ഒരു ബേക്കറിയിലെ ജീവനക്കാരനായിരുന്നു അനീഷ്. ഗോപാലന്റെയും സരോജിനിയുടെയും മകനാണ്. ഷൈനി, റീന, ഷൈമ എന്നിവരാണ് സഹോദരങ്ങൾ.

ഈ വാർത്തയെക്കുറിച്ചുള്ള നിങ്ങളുടെ പ്രതികരണങ്ങൾ അറിയിക്കുക. 

Article Summary: Bakery worker died near Mattannur after falling into a well at night.

#Mattannur #KannurNews #WellAccident #BakeryWorker #TragicDeath #KeralaNews