YouTuber's Bail Application | യുവതിക്കെതിരെ മോശം പരാമര്ശം നടത്തിയെന്ന കേസ്; യൂട്യൂബറുടെ മുന്കൂര് ജാമ്യാപേക്ഷ മാറ്റിവച്ചു
Jul 4, 2022, 15:17 IST
ADVERTISEMENT
കൊച്ചി: (www.kvartha.com) പീഡന പരാതി നല്കിയ യുവതിയെപറ്റി മോശം പരാമര്ശം നടത്തിയെന്ന കേസില് യുട്യൂബര് സൂരജ് പാലാക്കാരന് നല്കിയ മുന്കൂര് ജാമ്യാപേക്ഷ ഹൈകോടതി മാറ്റിവച്ചു. അടിമാലി സ്വദേശിനിയായ യുവതിയെ അധിക്ഷേപിച്ച് സംസാരിക്കുകയും ജാതീയമായ പരാമര്ശം നടത്തുകയും ചെയ്തുവെന്നാണ് എറണാകുളം സൗത് പൊലീസ് രെജിസ്റ്റര് ചെയ്ത കേസിലുള്ളത്.
അറസ്റ്റ് ചെയ്യപ്പെടാന് സാധ്യതയുണ്ടെന്ന് കാണിച്ചാണ് സൂരജ് മുന്കൂര് ജാമ്യാപേക്ഷയുമായി ഹൈകോടതിയെ സമീപിച്ചത്. ജസ്റ്റിസ് ബെച്ചു കുര്യന് തോമസിന്റെ ബെഞ്ചാണ് കേസ് പരിഗണിച്ചത്.
ആരോഗ്യമന്ത്രിയുടെ അശ്ലീല വീഡിയോ വ്യാജമായി നിര്മിക്കാന് ക്രൈം നന്ദകുമാര് നിര്ബന്ധിച്ചെന്ന് കാണിച്ച് പരാതി നല്കിയ യുവതിയെ മോശമായി ചിത്രീകരിച്ച് വീഡിയോ നിര്മിച്ചുവെന്നാണ് സൂരജ് പാലാക്കാരനെതിരായ കേസ്. കേസില് സ്ത്രീത്വത്തെ അപമാനിക്കല്, പട്ടികജാതി-പട്ടികവര്ഗ അതിക്രമ നിരോധനം തുടങ്ങിയ നിയമങ്ങള് പ്രകാരമാണ് കേസെടുത്തിരിക്കുന്നത്.
Keywords: News,Kerala,State,Kochi,YouTube,Bail,High Court of Kerala,Court,Police,YouTuber, Sooraj Palakkaran, Bad remarks young woman
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്സ്ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
