ആറ്റുകാല് പൊങ്കാല മഹോത്സവം: പുറത്തെഴുന്നള്ളിപ്പിന് അനുമതി: പൂജാരിമാര് ഉള്പെടെ 25 പേര്ക്ക് പങ്കെടുക്കാം
Feb 16, 2022, 16:56 IST
തിരുവനന്തപുരം: (www.kvartha.com 16.02.2022) ആറ്റുകാല് പൊങ്കാല മഹോത്സവത്തിന്റെ ഭാഗമായുള്ള ദേവിയുടെ പുറത്തെഴുന്നള്ളിപ്പിന് കോവിഡ് നിയന്ത്രണങ്ങളില് ഇളവോടെ അനുമതി നല്കി ജില്ലാ കലക്ടറും ജില്ലാ ദുരന്തവിവാരണ അതോറിറ്റി ചെയര്പേഴ്സണുമായ ഡോ. നവ്ജ്യോത്ഖോസയുടെ ഉത്തരവ്. അസിസ്റ്റന്റ് ഫോറസ്റ്റ് കണ്സര്വേറ്ററുടെ അനുമതിയോടെ, നിര്ദേശങ്ങള് പൂര്ണമായും പാലിച്ചുകൊണ്ട് ആനപ്പുറത്തെഴുന്നള്ളത്ത് നടത്താവുന്നതാണെന്ന് ഉത്തരവില് പറയുന്നു.
പൂജാരിമാര് ഉള്പെടെ 25 പേര്ക്ക് മാത്രമായിരിക്കും പങ്കെടുക്കാന് അനുമതിയെന്നും ഘോഷയാത്രയില് പങ്കെടുക്കുന്നവര് 72 മണിക്കൂറിനുള്ളില് ആര്ടിപിസിആര് ടെസ്റ്റ് നെഗറ്റിവ് ആയവരോ അല്ലെങ്കില് മൂന്ന് മാസത്തിനുള്ളില് കോവിഡ് പോസിറ്റീവ് ആയവരോ ആയിരിക്കണമെന്നും ഉത്തരവില് പറയുന്നു.
ഘോഷയാത്രക്ക് ഔദ്യോഗികവാഹനങ്ങള് മാത്രമേ അകമ്പടിയായി അനുവദിക്കുകയുള്ളു. പൊതുജനങ്ങളുടെ അകമ്പടി വാഹനങ്ങളോ, ഉച്ചഭാഷിണിയോ, വിളംബര വാഹനങ്ങളോ പാടില്ല. വഴിപൂജയോ മറ്റ് നേര്ച്ച ദ്രവ്യങ്ങളോ അനുവദിക്കില്ല. വഴിനീളെ ആഹാര പദാര്ഥങ്ങള് വിതരണം ചെയ്യാനോ പുഷ്പവൃഷ്ടി നടത്താനോ പാടില്ല.
പൊതുജനങ്ങള് ഘോഷയാത്രയെ അനുഗമിക്കുന്നില്ലെന്ന് പൊലീസും സംഘാടകരും ഉറപ്പുവരുത്തണം. എഴുന്നള്ളിപ്പില് പങ്കെടുക്കുന്നവര് മുഴുവന് സമയവും കോവിഡ് പ്രോടോകോള് (മാസ്ക്, സാനിറ്റൈസര്, സാമൂഹിക അകലം) കര്ശനമായി പാലിക്കണമെന്നും ജില്ലാ ദുരന്തനിവാരണ അതോറിറ്റിയുടെ ഉത്തരവില് വ്യക്തമാക്കുന്നു.
Keywords: Attukal Pongala Festival: 25 people including priests can attend, Thiruvananthapuram, News, Attukal Pongala, Trending, Temple, Kerala.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
