Look Out | സഊദി യുവതി നല്‍കിയ ലൈംഗികാതിക്രമ കേസ്; വിദേശത്ത് തുടരുന്ന വ്‌ളോഗര്‍ക്കെതിരെ ലുക് ഔട് നോടീസ് പുറപ്പെടുവിച്ചു

പരാതിയില്‍ സഊദി യുവതിയുടെ രഹസ്യ മൊഴി എറണാകുളം ജുഡീഷ്യല്‍ മജിസ്ട്രേറ്റ് കോടതി രണ്ടിന് മുമ്പാകെ രേഖപ്പെടുത്തിയിരുന്നു. അഭിമുഖത്തിനെന്ന പേരില്‍ ഹോടെലിലേക്ക് ക്ഷണിച്ചുവരുത്തി പീഡിപ്പിക്കാന്‍ ശ്രമിച്ചെന്നാണ് സഊദി വനിതയുടെ പരാതി. രണ്ടാഴ്ച മുന്‍പാണ് സംഭവം നടന്നത്. അഭിമുഖത്തിനായി എറണാകുളത്തെ ഹോടെലിലേക്കാണ് മല്ലു ട്രാവലര്‍ ഇവരെ ക്ഷണിച്ചത്. ഹേടെലിലെത്തിയപ്പോഴാണ് അപമര്യാദയായി പെരുമാറിയതും പീഡിപ്പിക്കാന്‍ ശ്രമിച്ചതുമെന്ന് പരാതിയില്‍ പറയുന്നു.

അതേസമയം പരാതി വ്യാജമാണെന്ന നിലപാടിലാണ് ശാക്കിര്‍ . തനിക്കെതിരായ പരാതിയെ മതിയായ തെളിവുകള്‍ കൊണ്ട് നേരിടുമെന്നും ശാക്കിര്‍ പ്രതികരിച്ചിരുന്നു. നിലവില്‍ കാനഡയിലുള്ള ശാക്കിര്‍ നാട്ടില്‍ തിരിച്ചെത്തിയാലുടന്‍ എല്ലാക്കാര്യങ്ങളും വിശദമാക്കുമെന്നാണ് ഒരു വീഡിയോയിലൂടെ അറിയിച്ചിരുന്നത്. ഇതൊരു ഹണിട്രാപ് ആയിരുന്നോയെന്ന് സംശയിക്കുന്നതായും ശാക്കിര്‍ ആരോപിച്ചിരുന്നു.

എന്നാല്‍ ശാക്കിറിന്റെ ന്യായീകരണങ്ങള്‍ വ്യാജമാണെന്ന് പരാതിക്കാരിയും മറ്റൊരു വീഡിയോയിലൂടെ വിശദീകരിച്ചിരുന്നു. ശാക്കിര്‍ നാട്ടിലില്ലാത്തതിനാല്‍ അന്വേഷണം വൈകുമെന്ന് നേരത്തെ പൊലീസ് വ്യക്തമാക്കിയിരുന്നു.