Murder Attempt | ഇരുചക്രവാഹനത്തില്‍ പോവുകയായിരുന്ന ഭാര്യയെ തടഞ്ഞുനിര്‍ത്തി പട്ടാപ്പകല്‍ പെട്രോള്‍ ഒഴിച്ച് കൊല്ലാന്‍ ശ്രമം, ഇരുവരും ഗുരുതരാവസ്ഥയില്‍

By Web Desk Beta Feb 19, 2024, 12:41 IST

ആലപ്പുഴ: (KVARTHA) ഇരുചക്രവാഹനത്തില്‍ പോവുകയായിരുന്ന യുവതിയെ തടഞ്ഞുനിര്‍ത്തി പെട്രോള്‍ ഒഴിച്ച് കൊല്ലാന്‍ ശ്രമം. പ്രദേശവാസികള്‍ നോക്കിനില്‍ക്കെയാണ് അപ്രതീക്ഷിത സംഭവം പട്ടാപ്പകല്‍ അരങ്ങേറിയത്. പട്ടണക്കാട് സ്വദേശിനി ആരതിയാണ് ആക്രമണത്തിനിരയായത്.

സ്‌കൂടറില്‍ പോവുകയായിരുന്ന യുവതിയെ ഭര്‍ത്താവ് ശ്യാജിത്താണ് തടഞ്ഞുനിര്‍ത്തി പെട്രോള്‍ ഒഴിച്ച് തീകൊളുത്തിയതെന്ന് ദൃക്‌സാക്ഷികള്‍ പറഞ്ഞു. ചേര്‍ത്തല താലൂക് ആശുപത്രിക്ക് മുന്നില്‍ തിങ്കളാഴ്ച (19.02.2024) രാവിലെയാണ് സംഭവം.

Murder Attempt | ഇരുചക്രവാഹനത്തില്‍ പോവുകയായിരുന്ന ഭാര്യയെ തടഞ്ഞുനിര്‍ത്തി പട്ടാപ്പകല്‍ പെട്രോള്‍ ഒഴിച്ച് കൊല്ലാന്‍ ശ്രമം, ഇരുവരും ഗുരുതരാവസ്ഥയില്‍

ആരതിയും ഭര്‍ത്താവും കുറച്ചുകാലമായി പിണക്കത്തിലാണെന്ന് ബന്ധുക്കള്‍ പറഞ്ഞു. പട്ടണാക്കാട്ടെ ഒരു ധനകാര്യ സ്ഥാപനത്തിലെ ജീവനക്കാരിയാണ് ആരതി. രാവിലെ ജോലിക്ക് പോകുന്ന വഴിക്കാണ് ശ്യാം ജിത്ത് ഇവരെ കൊലപ്പെടുത്താന്‍ ശ്രമിച്ചത്.

ആരതിയുടെ നില ഗുരുതരമാണെന്നാണ് വിവരം. കുടുംബ വഴക്കാണ് ആക്രമണ കാരണമെന്നാണ് സൂചന. സംഭവത്തില്‍ ഭര്‍ത്താവിനും പൊള്ളലേറ്റിട്ടുണ്ട്. ഇരുവരും കോട്ടയം മെഡികല്‍ കോളജ് ആശുപത്രിയില്‍ ചികിത്സയിലാണ്.

Keywords: News, Kerala, Kerala-News, Regional-News, Crime-News, Alappuzha News, Attempt, Kill, Woman, Road, Husband, Wife, Road, Treatment, Kottayam Medical College Hospital, Alappuzha: Attempt to kill woman.

ഇവിടെ വായനക്കാർക്ക് അഭിപ്രായങ്ങൾ രേഖപ്പെടുത്താം. സ്വതന്ത്രമായ ചിന്തയും അഭിപ്രായ പ്രകടനവും പ്രോത്സാഹിപ്പിക്കുന്നു. എന്നാൽ ഇവ കെവാർത്തയുടെ അഭിപ്രായങ്ങളായി കണക്കാക്കരുത്. അധിക്ഷേപങ്ങളും വിദ്വേഷ - അശ്ലീല പരാമർശങ്ങളും പാടുള്ളതല്ല. ലംഘിക്കുന്നവർക്ക് ശക്തമായ നിയമനടപടി നേരിടേണ്ടി വന്നേക്കാം.

Tags

Share this story

Featured

Recommended