'പുഴുത്ത നാവ് ഞങ്ങൾ മറന്നിട്ടില്ല, അനുകമ്പ പ്രതീക്ഷിക്കേണ്ട'; രാഹുൽ മാങ്കൂട്ടത്തിലിനെതിരെ ആകാശ് തില്ലങ്കേരിയുടെ തുറന്ന വെല്ലുവിളി

കണ്ണൂർ: (KVARTHA) യുവതിയുടെ ലൈംഗിക പീഡന പരാതിയിൽ ഒളിവിൽ കഴിയുന്ന യൂത്ത് കോൺഗ്രസ് നേതാവ് രാഹുൽ മാങ്കൂട്ടത്തിലിനെതിരെ ഷുഹൈബ് വധക്കേസ് പ്രതി ആകാശ് തില്ലങ്കേരി അതിരൂക്ഷ വിമർശനവുമായി രംഗത്ത്. രാഹുൽ മാങ്കൂട്ടത്തിലിനെ തെരുവിൽ നേരിടുമെന്നും ഒരു അനുകമ്പയും പ്രതീക്ഷിക്കേണ്ടെന്നും ആകാശ് തില്ലങ്കേരി ഫേസ്ബുക്ക് കുറിപ്പിലൂടെ മുന്നറിയിപ്പ് നൽകി. രാഹുലിന്റെ പഴയ വിവാദ പരാമർശങ്ങളെ ചൂണ്ടിക്കാട്ടിയാണ് ആകാശ് തില്ലങ്കേരി രംഗത്തെത്തിയിട്ടുള്ളത്.

'ഡി വൈ എഫ് ഐയുടെ പൊതിച്ചോറ് അനാശാസ്യമാണ് എന്ന് പറഞ്ഞ നിൻ്റെ പുഴുത്ത നാവ് ഞങ്ങൾ മറന്നിട്ടില്ല' എന്ന് ആകാശ് തില്ലങ്കേരി ഫേസ്ബുക്ക് കുറിപ്പിൽ പറയുന്നു. 'കുഞ്ഞനന്തൻ ചത്തു, ഡിവൈഎഫ്ഐ ആശുപത്രികളിലെ രോഗികൾക്കും കൂട്ടിരിപ്പുകാർക്കും നൽകുന്ന പൊതിച്ചോറ് അനാശാസ്യമാണ്' ഇതൊക്കെ പറഞ്ഞ രാഹുലിന്റെ വാക്കുകൾ വിസ്മരിക്കില്ലെന്നും ആകാശ് തില്ലങ്കേരി വ്യക്തമാക്കി.

അതോടൊപ്പം, 'ഒപ്പമുള്ള നാല് സൈബർ ഞരമ്പന്മാരുടെ ബലത്തിൽ നീ തൊട്ടതൊക്കെയും ഞങ്ങളുടെ വൈകാരികതയിലാണ്' എന്നും അദ്ദേഹം കുറിച്ചു. 'നിന്നെ ഞങ്ങൾ താഴെ ഇറക്കും, തെരുവിൽ നേരിടും, ഒരു അനുകമ്പയും നീ പ്രതീക്ഷിക്കേണ്ട' എന്ന് പറഞ്ഞുകൊണ്ടാണ് ആകാശ് തില്ലങ്കേരി രാഹുൽ മാങ്കൂട്ടത്തിലിനെതിരെ ഭീഷണി മുഴക്കിയിരിക്കുന്നത്. ഒരു യുവതിയുടെ ലൈംഗിക പീഡന പരാതിയിൽ കേസെടുത്ത് പോലീസ് അന്വേഷണം ആരംഭിച്ചതിന് പിന്നാലെ രാഹുൽ മാങ്കൂട്ടത്തിൽ ഒളിവിൽ കഴിയുന്ന സാഹചര്യത്തിലാണ് ആകാശ് തില്ലങ്കേരിയുടെ ഈ വെല്ലുവിളി.

രാഹുൽ മാങ്കൂട്ടത്തിലിനെതിരെ ആകാശ് തില്ലങ്കേരിയുടെ ഭീഷണിയെക്കുറിച്ച് നിങ്ങളുടെ അഭിപ്രായം എന്താണ്? കമൻ്റ് ചെയ്യുക.

Article Summary: Akash Thillankeri threatens Rahul Mamkootathil over allegations.

#AkashThillankeri #RahulMamkootathil #KeralaPolitics #Threat #FacebookPost #Kannur