Molestation Case | വിവാഹ വാഗ്ദാനം നല്കി ബലാത്സംഗം ചെയ്തെന്ന പരാതിയുമായി യുവതി; നടന് ഗോവിന്ദന് കുട്ടിയ്ക്കെതിരെ വീണ്ടും പീഡനക്കേസ്
Jan 5, 2023, 11:30 IST
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
കൊച്ചി: (www.kvartha.com) വിവാഹ വാഗ്ദാനം നല്കി ബലാത്സംഗം ചെയ്തെന്ന യുവതിയുടെ പരാതിയില് നടന് ഗോവിന്ദന് കുട്ടിയ്ക്കെതിരെ വീണ്ടും പീഡനക്കേസ്. എറണാകുളം നോര്ത് പൊലീസാണ് കേസെടുത്തത്. 2021-ലും കഴിഞ്ഞ വര്ഷവുമായി മൂന്ന് തവണ ഗോവിന്ദന് കുട്ടി ബലാത്സംഗം ചെയ്തെന്നാണ് യുവതിയുടെ പരാതി.
കഴിഞ്ഞ മാസം മറ്റൊരു യുവതിയും ഗോവിന്ദന്കുട്ടിക്കെതിരെ ബലാത്സംഗത്തിന് പരാതി നല്കിയിരുന്നു. ഈ പരാതിയില് എറണാകുളം നോര്ത് പൊലീസ് ഗോവിന്ദന് കുട്ടിക്കെതിരെ കേസെടുത്ത് അന്വഷണം നടത്തി വരുന്നതിനിടെയാണ് മറ്റാെരു യുവതി കൂടി സമാനമായ പരാതിയുമായി പൊലീസിനെ സമീപിച്ചിരിക്കുന്നത്.
തുടര്ന്ന് എറണാകുളം നോര്ത് പോലീസ് നവംബര് 26 നാണ് ഗോവിന്ദന് കുട്ടിയ്ക്കെതിരെ കേസ് എടുത്ത്. പിന്നീട് നടന് എറണാകുളം സെഷന്സ് കോടതി മുന്കൂര് ജാമ്യ അനുവദിച്ചിരുന്നു. പിന്നാലെ കോടതി നല്കിയ മുന്കൂര് ജാമ്യം റദ്ദാക്കണമെന്നാവശ്യപ്പെട്ട് പീഡനത്തിനിരയായ യുവതി ഹൈകോടതിയെ സമീപിച്ചിരുന്നു. പൊലീസ് അന്വേഷണം കാര്യക്ഷമമല്ലാത്തതാണ് പ്രതിയ്ക്ക് മുന്കൂര് ജാമ്യം ലഭിക്കാന് ഇടായാക്കിയതെന്നും ആരോപണമുണ്ട്.
നടന് ഗോവിന്ദന് കുട്ടി എംഡിയായ യുട്യൂബ് ചാനലില് അവതാരകയായെത്തിയ യുവതിയാണ് ബലാത്സംഗ പരാതി നല്കിയത്. തന്നെ വിവാഹം കഴിക്കാമെന്ന വാഗ്ദാനം ചെയ്ത് കഴിഞ്ഞ മെയ് മാസം മുതല് പല സ്ഥലങ്ങളിലായി കൊണ്ടുപോയി ബലാത്സംഗ ചെയ്തെന്നായിരുന്നു പരാതി.
ഗോവിന്ദന് കുട്ടിക്കെതിരായ ബലാത്സംഗ കേസില് ഗുരുതര ആരോപണവുമായി ആദ്യത്തെ കേസിലെ അതിജീവിത നേരത്തെ രംഗത്ത് എത്തിയിരുന്നു. കേസ് പിന്വലിപ്പിക്കാന് ഉന്നതരെ ഉപയോഗിച്ച് ഭീഷണിപ്പെടുത്തുന്നു എന്നായിരുന്നു ആരോപണം.
പ്രശ്നം സമൂഹമാധ്യമങ്ങളിലൂടെ പ്രചരിപ്പിക്കുമെന്ന് യുവതി പറഞ്ഞതോടെ ഗോവിന്ദന് കുട്ടി തന്നെ ഫോണില് വിളിച്ച് സ്വാധീനിക്കാന് ശ്രമിച്ചെന്നും സിനിമ മേഖലയിലെ ഉന്നതരെ അടക്കം സമീപിച്ചെന്നും ആരോപണമുണ്ട്. ഗോവിന്ദന് കുട്ടി ഫോണില് സ്വാധീനിക്കാന് ശ്രമിച്ചതിന്റെ സംഭാഷണവും യുവതി പുറത്ത് വിട്ടിരുന്നു.
Keywords: News,Kerala,State,Kochi,Molestation,Complaint,Case,Actor,Police,police-station, Again molestation case against actor Govindan Kutty
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
