Apoorva Bose | നടി അപൂര്വ ബോസും ധിമാന് തലപത്രയും വിവാഹിതരായി; ചിത്രങ്ങള് ഇന്സ്റ്റഗ്രാമില് പങ്കുവച്ച് താരം; 'നിയമപരമായി രണ്ട് പേരും പരസ്പരം കുടുങ്ങി'
May 6, 2023, 17:38 IST
ADVERTISEMENT
കൊച്ചി: (www.kvartha.com) മലര്വാടി ആട്സ് ക്ലബ്ബ്, പ്രണയം തുടങ്ങിയ സിനിമകളിലൂടെ ശ്രദ്ധേയായ നടി അപൂര്വ ബോസ് വിവാഹിതയായി. ധിമാന് തലപത്രയാണ് വരന്. രെജിസ്റ്റര് വിവാഹം ആയിരുന്നു. വിവാഹ ചിത്രങ്ങള് നടി ഇന്സ്റ്റഗ്രാമില് പങ്കുവച്ചു.
'നിയമപരമായി രണ്ട് പേരും പരസ്പരം കുടുങ്ങി' എന്ന രസകരമായ അടിക്കുറിപ്പോടെയാണ് രെജിസ്റ്റര് ചെയ്യുന്ന ചിത്രം പങ്കുവച്ചത്. വളരെ ചുരുങ്ങിയ ബന്ധുക്കളുടെ സാന്നിധ്യത്തിലായിരുന്നു വിവാഹം. കഴിഞ്ഞ വര്ഷം ജൂലൈയിലായിരുന്നു ഇരുവരുടെയും വിവാഹനിശ്ചയം. 'പത്മശ്രീ ഡോക്ടര് സരോജ് കുമാര്', 'പൈസ പൈസ', 'പകിട', 'ഹേയ് ജൂഡ്' തുടങ്ങിയ ചിത്രങ്ങളിലും അപൂര്വ വേഷമിട്ടിരുന്നു.
അപൂര്വയുടെ അടുത്ത സുഹൃത്താണ് ധിമന്. സ്വിറ്റ്സര്ലന്ഡിലെ ജനീവയിലാണ് അപൂര്വ ഇപ്പോള് താമസം. അവിടെ യൂനൈറ്റഡ് നേഷന്സ് എന്വിയോണ്മെന്റ് പ്രോഗ്രാം കമ്യൂനികേഷന് കണ്സള്ടന്റായി ജോലി ചെയ്യുകയാണ് അപൂര്വ.
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്സ്ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.

