Abhirami | നടി അഭിരാമിയും ഭര്‍ത്താവും പെണ്‍കുഞ്ഞിനെ ദത്തെടുത്തു; മാതൃദിനത്തില്‍ 'കല്‍ക്കി'യുടെ അമ്മയായതിന്റെ സന്തോഷവാര്‍ത്ത പങ്കുവച്ച് താരം
May 14, 2023, 16:01 IST
ADVERTISEMENT
കൊച്ചി: (www.kvartha.com) നടി അഭിരാമിയും ഭര്‍ത്താവും പെണ്‍കുഞ്ഞിനെ ദത്തെടുത്തു. മാതൃദിനത്തില്‍ അമ്മയായതിന്റെ സന്തോഷം താരം തന്നെയാണ് സമൂഹ മാധ്യമങ്ങളിലൂടെ അറിയിച്ചിരിക്കുന്നത്. കല്‍ക്കി എന്നാണ് കുഞ്ഞിന്റെ പേര്.
മാതൃദിനത്തില്‍, അമ്മയായതില്‍ വളരെ സന്തോഷമുണ്ടെന്നും എല്ലാത്തരത്തിലും ജീവിതത്തില്‍ മാറ്റം കൊണ്ടുവന്ന തീരുമാനമായിരുന്നു ഇതെന്നും അഭിരാമി ഇന്‍സ്റ്റഗ്രാമില്‍ കുറിച്ചു. ദിവ്യ ഉണ്ണിയും ശ്വേതാമേനോനും അടക്കം സിനിമാ മേഖലയില്‍ നിന്നുള്ള നിരവധി പേര് അഭിരാമിക്ക് ആശംസകളുമായി എത്തിയിട്ടുണ്ട്.
രാഹുലും ഞാനും 'കല്‍ക്കി'യുടെ മാതാപിതാക്കളായ വിവരം അറിയിക്കുകയാണ്. കഴിഞ്ഞ വര്‍ഷമാണ് ഞങ്ങളൊരു പെണ്‍കുഞ്ഞിനെ ദത്തെടുത്തത്. എല്ലാത്തരത്തിലും ജീവിതത്തെ മാറ്റിമറിക്കുന്ന തീരുമാനമായിരുന്നു അത്. ഇന്നൊരു അമ്മയായി, മാതൃദിനം ആഘോഷിക്കുമ്പോള്‍ വളരെ സന്തോഷം തോന്നുന്നു. പുതിയ കടമ നിര്‍വഹിക്കുന്നതില്‍ നിങ്ങളുടെയെല്ലാം അനുഗ്രഹം ഉണ്ടാകണം'.- താരം ഇന്‍സ്റ്റഗ്രാമില്‍ കുറിച്ചു.
മകള്‍ക്കും ഭര്‍ത്താവിനുമൊപ്പമുള്ള ചിത്രങ്ങളും താരം സോഷ്യല്‍ മീഡിയയില്‍ പങ്കുവച്ചിട്ടുണ്ട്. 2009 ഡിസംബര്‍ 27നാണ് അഭിരാമിയും രാഹുല്‍ പവനനും തമ്മിലുള്ള വിവാഹം നടന്നത്.
Keywords: News, Kerala, Actress, Adoption, Parents, Kerala-News, News-Malayalam, Actress Abhirami and her husband adopt a baby girl; introduce their Kalki on Mother’s Day!.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
