Vijayakumar | ചോദ്യം ചെയ്യുന്നതിനിടയില്‍ പൊലീസ് സ്റ്റേഷനില്‍ ഇടതുകൈത്തണ്ട മുറിച്ച് ആത്മഹത്യയ്ക്ക് ശ്രമിച്ചെന്ന കേസ്; നടന്‍ വിജയകുമാറിനെ കോടതി കുറ്റവിമുക്തനാക്കി
Jan 14, 2023, 10:26 IST
ADVERTISEMENT
കൊച്ചി: (www.kvartha.com) കുഴല്‍പ്പണം തട്ടിയെടുത്തെന്ന പരാതിയില്‍ തൃക്കാക്കര അസി.കമിഷണര്‍ ഓഫിസില്‍ ചോദ്യം ചെയ്യുന്നതിനിടയില്‍ ഇടതുകൈത്തണ്ട മുറിച്ച് ആത്മഹത്യയ്ക്ക് ശ്രമിച്ചെന്ന കേസില്‍ നടന്‍ വിജയകുമാറിനെ വിചാരണക്കോടതി കുറ്റവിമുക്തനാക്കി. എറണാകുളം ജുഡിഷ്യല്‍ ഫസ്റ്റ് ക്‌ളാസ് മജിസ്‌ട്രേട് കോടതിയാണ് വിജയകുമാറിനെ കുറ്റവിമുക്തനാക്കിയത്.
വിജയകുമാര്‍ കുറ്റം ചെയ്തതായി സ്ഥാപിക്കാന്‍ കഴിയുന്ന തെളിവുകള്‍ ഹാജരാക്കാന്‍ പ്രോസിക്യൂഷനു കഴിഞ്ഞില്ലെന്നും ഹാജരാക്കിയ സ്വതന്ത്ര സാക്ഷിയുടെ മൊഴി വിശ്വസനീയമല്ലെന്നും വിലയിരുത്തിയാണ് കോടതി വിജയകുമാറിനെ വെറുതെവിട്ടത്. കേസില്‍ പൊലീസ് ഉദ്യോഗസ്ഥര്‍ ഒഴികെയുള്ള രണ്ട് സാക്ഷികളുടെ മൊഴികള്‍ വിജയകുമാറിന് അനുകൂലമായിരുന്നു.
അസി.കമിഷണര്‍ ഓഫിസിനുള്ളില്‍ ചോദ്യം ചെയ്യുന്നതിനിടയില്‍ പേയ്പര്‍ മുറിക്കാന്‍ ഉപയോഗിക്കുന്ന കത്തിയെടുത്തു വിജയകുമാര്‍ കൈ ഞെരമ്പുമുറിച്ചെന്നാണ് കേസ്. ഇതിന് ദൃക്‌സാക്ഷിയായി പ്രോസിക്യൂഷന്‍ ഹാജരാക്കിയ സ്വതന്ത്രസാക്ഷിയുടെ മൊഴികള്‍ വിശ്വസനീയമല്ലെന്ന് മജിസ്‌ട്രേട് കോടതി ചൂണ്ടിക്കാട്ടുകയായിരുന്നു.
Keywords: News,Kerala,State,Kochi,Suicide Attempt,Case,Actor,Cine Actor,Police,Latest-News,Court, Actor Vijayakumar acquitted in suicide attempt case
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്‌സ്‌ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
