ചക്കുളത്തുകാവ് പൊങ്കാല സംഘത്തിന്റെ ബസ് അപകട­ത്തില്‍പെട്ട് 5 പേര്‍ക്ക് പരിക്ക്

എടത്വ: ചക്കുളത്തു­കാ­വ് പൊ­ങ്കാ­ല­യില്‍ പങ്കെടുക്കാനെത്തിയവരുടെ മിനി ബസ് സ്വകാര്യ ബസുമായി കൂട്ടിയിടി­ച്ച് ഡ്രൈവര്‍ ഉള്‍പെ­ടെ അഞ്ച് പേര്‍ക്ക് പരിക്കു­പറ്റി. പൂവാര്‍ സ്വദേശിയാ­യ ഡ്രൈവര്‍ സുന്‍ജിത്ത്, യാത്രക്കാരായ ഭാസുരാംഗിയമ്മ, ഓമന, സരോജിനി, ശ്രീകല എന്നിവര്‍ക്കാണ് പരുക്ക് പറ്റി­യത്. പൂവാര്‍ പൊന്‍ വിളയില്‍ നിന്നെത്തിയ 25 ഓളം പേരാണ് വാഹനത്തില്‍ ഉണ്ടായിരു­ന്നത്. വാഹനത്തിന്റെ മുന്‍ വശം പൂര്‍ണമായും തകര്‍ന്നു.

ബു­ധ­നാഴ്ച രാവിലെ ആറുമണിക്ക് വീയപുരം കോയിക്കല്‍ ജംഗ്ഷനിലായിരുന്നു അപകടം നട­ന്നത്. ഇടിയുടെ അഘാതത്തില്‍ തകര്‍ന്ന ബസിന്റെ മുന്‍ഭാഗത്തുനിന്ന് നാട്ടുകാരുടെ ശ്രമഫലമായിട്ടാ­ണ് ഡ്രൈവറെ പുറത്തെടു­ത്തത്. കാലൊടി­ഞ്ഞ ഡ്രൈവറെ ഹരിപ്പാട് താലൂക്ക് ആശുപത്രിയില്‍ പ്രവേശിപ്പിച്ചു. ഗതാഗതം ഭാഗികമായി തടസപ്പെട്ടതിനെ തുടര്‍ന്ന് വീയപുരം എസ്.ഐ. ഹരികുമാറിന്റെ നേതൃത്വത്തിലുള്ള സംഘം അപകടത്തില്‍പ്പെട്ട വാഹനം ക്രെയിന്‍ ഉപയോഗിച്ച് നീക്കം ചെയ്ത ശേഷം ഗതാഗതം പുനസ്ഥാപിച്ചു. വൈകിട്ട് മറ്റൊരു വാഹനത്തില്‍ ഇവര്‍ നാട്ടിലേയ്ക്കു പോയി.

Keywords: Ponkala, Chakkulathukavu, Police, Bus, Driver, Puvar, Omana, Sunjith, Ponvilayil, Harikumar, 5 injured in bus accident.