Onam Bonus | ഓണം പ്രമാണിച്ച് സര്കാര് ജീവനക്കാര്ക്ക് 4000 രൂപ ബോണസ്; അഡ്വാന്സായി 20,000 രൂപ
Aug 29, 2022, 15:54 IST
ADVERTISEMENT
തിരുവനന്തപുരം: (www.kvartha.com) ഓണത്തിനോട് അനുബന്ധിച്ച് സര്കാര് ജീവനക്കാര്ക്ക് ബോണസായി 4,000 രൂപയും ബോണസിന് അര്ഹത ഇല്ലാത്തവര്ക്ക് പ്രത്യേക ഉത്സവബത്തയായി 2,750 രൂപയും നല്കുമെന്ന് മന്ത്രി കെ എന് ബാലഗോപാല് അറിയിച്ചു.
എല്ലാ സര്കാര് ജീവനക്കാര്ക്കും ഓണം അഡ്വാന്സായി 20,000 രൂപ അനുവദിക്കും. പാര്ട് ടൈം-കണ്ടിന്ജന്റ് ഉള്പെടെയുള്ള മറ്റു ജീവനക്കാര്ക്ക് അഡ്വാന്സ് 6,000 രൂപ. കഴിഞ്ഞവര്ഷം ഉത്സവബത്ത ലഭിച്ച കരാര് - സ്കീം തൊഴിലാളികള് ഉള്പെടെ എല്ലാ വിഭാഗം ജീവനക്കാര്ക്കും അതേ നിരക്കില് ഈ വര്ഷവും ഉത്സവ ബത്ത ലഭിക്കും.
സര്വീസ് പെന്ഷന്കാര്ക്കും പങ്കാളിത്ത പെന്ഷന് പദ്ധതി പ്രകാരം വിരമിച്ച ജീവനക്കാര്ക്കും പ്രത്യേക ഉത്സവബത്തയായി 1000 രൂപ നല്കും. 13 ലക്ഷത്തിലധികം വരുന്ന ജീവനക്കാരിലേക്കും തൊഴിലാളികളിലേക്കുമാണ് ഓണം പ്രമാണിച്ചുള്ള പ്രത്യേക സഹായം എത്തുന്നതെന്ന് മന്ത്രി കെ എന് ബാലഗോപാല് പറഞ്ഞു.
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്സ്ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
