Ambedkar Villages | തല ഉയര്‍ത്തി അംബേദ് കര്‍ ഗ്രാമങ്ങള്‍; ഒരുവര്‍ഷം കൊണ്ട് തിളങ്ങിയത് 40 പട്ടികജാതി കോളനികള്‍

ഓരോ നിയോജകമണ്ഡലത്തിലും അടിസ്ഥാനസൗകര്യ വികസനത്തില്‍ പിന്നോക്കം നില്‍ക്കുന്ന പട്ടികജാതി കോളനികളെ തെരഞ്ഞെടുത്ത് വികസനപ്രവര്‍ത്തനങ്ങള്‍ നടത്തുകയാണ് അംബേദ്കര്‍ ഗ്രാമം പദ്ധതിയില്‍. ഗുരുവായൂര്‍ നിയോജക മണ്ഡലത്തിലെ കമ്പനിപ്പടി കോളനി, ചേലക്കരയിലെ തേക്കിന്‍കാട് കോളനി, കൊടുങ്ങല്ലൂര്‍ - ചാപ്പാറ കോളനി, ഇരിങ്ങാലക്കുടയിലെ ആനുരുളി - പടന്ന കോളനി, പുതുക്കാട് - കഴുമ്പള്ളം അംബേദ്കര്‍ കോളനി, നാട്ടിക - ഇഞ്ചമുടി മാരിപ്പാടം കോളനി, മണലൂരിലെ ഇറിഗേഷന്‍ എസ് സി കോളനി, ഇരിങ്ങാലക്കുട കടുപ്പശ്ശേരി ഐ എച് ഡി പി കോളനി, ഒല്ലൂര്‍ നെടുപുഴയിലെ എകെജി കോളനി തുടങ്ങിയവ പദ്ധതിയില്‍ ഉള്‍പെടുത്തി നവീകരിച്ച കോളനികളാണ്.

ഇന്റേണല്‍ റോഡ്, കുടിവെള്ള പദ്ധതി, അഴുക്കുചാലുകള്‍, വീടുകളിലേക്കുള്ള സോളാര്‍ വൈദ്യുതീകരണം, സോളാര്‍ തെരുവുവിളക്ക്, ഭവന പുനരുദ്ധാരണം, മാലിന്യനിര്‍മാര്‍ജനം, കമ്യൂണിറ്റി ഹാള്‍, സാംസ്‌കാരിക നിലയം, സംരക്ഷണ ഭിത്തികള്‍ എന്നിവ ഉള്‍പെടെയുള്ള വികസന പ്രവര്‍ത്തനങ്ങളാണ് ഈ കോളനികളില്‍ നടത്തിയത്. ജില്ലാ നിര്‍മിതി കേന്ദ്രയുടെ നേതൃത്വത്തിലാണ് നിര്‍മാണ പ്രവര്‍ത്തനങ്ങള്‍ നടത്തിയത്.

2016-17 കാലയളവില്‍ ഒരു കോടി രൂപയാണ് നിര്‍മാണ പ്രവര്‍ത്തനങ്ങള്‍ക്കായി അനുവദിച്ചിരുന്നത്. 2018-19ല്‍ പ്രളയം കൂടുതല്‍ ബാധിച്ച കോളനികളുടെ പുനരുദ്ധാരണ പ്രവര്‍ത്തനങ്ങളാണ് പദ്ധതി പ്രകാരം ഏറ്റെടുത്തത്. 2019 - 20ല്‍ ഏറ്റെടുത്ത കോളനികള്‍ക്കായി 50 ലക്ഷം രൂപ വകയിരുത്തി. ഈ വര്‍ഷം 31 അംബേദ് കര്‍ ഗ്രാമങ്ങളിലെ പ്രവൃത്തികള്‍ ഏറ്റെടുക്കും.

Keywords: 40 Ambedkar Villages presented to residents of SC/ST colonies in Kerala, Thrissur, News, House, News, Flood, Kerala.