വീണ്ടും ഞെട്ടിത്തരിച്ച് കേരളം; മൂന്നുവയസ്സുകാരനെ മര്‍ദ്ദിച്ച സംഭവത്തില്‍ അമ്മ കുറ്റം സമ്മതിച്ചു; ശസ്ത്രക്രിയ കഴിഞ്ഞിട്ടും കുട്ടിയുടെ തലച്ചോറിനകത്തെ രക്തസ്രാവം നിലയ്ക്കുന്നില്ല

അതേസമയം, ഗുരുതരമായി പരിക്കേറ്റ 3 വയസുകാരന്റെ ശസ്ത്രക്രിയ പൂര്‍ത്തിയായി. എന്നാല്‍ തലച്ചോറിനകത്തെ രക്തസ്രാവം നിലയ്ക്കുന്നില്ലെന്നും കുട്ടിയുടെ നില അതീവഗുരുതരമായി തുടരുകയാണെന്ന് ഡോക്ടര്‍മാര്‍ അറിയിച്ചു. കുട്ടി മരുന്നുകളോട് പ്രതികരിക്കുന്നില്ലെന്നും ഡോക്ടര്‍മാര്‍ വ്യക്തമാക്കി. കുട്ടി വെന്റിലേറ്ററില്‍ തുടരുകയാണ്.

ബുധനാഴ്ച്ച വൈകീട്ടോടെയാണ് മൂന്ന് വയസുകാരനെ തലയ്ക്ക് പരിക്കേറ്റ് അതീവ ഗുരുതരാവസ്ഥയില്‍ ആശുപത്രിയില്‍ പ്രവേശിപ്പിച്ചത്. വീടിന്റെ ടെറസില്‍ നിന്ന് വീണാണ് കുഞ്ഞിന് പരിക്കേറ്റതെന്നാണ് ആശുപത്രിയിലെത്തിച്ച മാതാപിതാക്കള്‍ പറഞ്ഞിരുന്നത്. എന്നാല്‍ പരിശോധനയില്‍ കുട്ടിക്ക് ക്രൂരമായ പീഡനമേറ്റതായി കണ്ടെത്തിയിയിരുന്നു.

അമ്മയുടെ സുഹൃത്തിന്റെ ക്രൂര മര്‍ദ്ദനത്തിനിരയായ ഏഴുവയസ്സുകാരന്‍ പത്ത് ദിവസം വെന്റിലേറ്ററില്‍ കഴിഞ്ഞ ശേഷം മരണത്തിന് കീഴടങ്ങിയ സംഭവത്തിന്റെ ഞെട്ടല്‍ മാറുമുമ്പാണ് കേരളത്തില്‍ വീണ്ടുമൊരു കുട്ടിക്ക് നേരെ മര്‍ദ്ദനമുണ്ടാവുന്നത്.