അപ്പോള് അതിന് ഉത്തരവാദി ആര്? പ്രായപൂര്ത്തിയാകാത്ത പെണ്കുട്ടി പീഡനത്തിനിരയായി ഗര്ഭിണിയായ കേസില് ഡി എന് എ പരിശോധന ഫലം നെഗറ്റീവ്; 35 ദിവസത്തെ ജയില്വാസത്തിനുശേഷം 18 കാരന് ജാമ്യം അനുവദിച്ച് കോടതി
Aug 29, 2021, 17:32 IST
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
മലപ്പുറം: (www.kvartha.com 29.08.2021) പ്രായപൂര്ത്തിയാകാത്ത പെണ്കുട്ടി പീഡനത്തിനിരയായി ഗര്ഭിണിയായ കേസില് ഡി എന് എ പരിശോധന ഫലം നെഗറ്റീവായതോടെ പ്രതിയെന്ന് മുദ്രകുത്തി കഴിഞ്ഞ 35 ദിവസമായി ജയിലില് കഴിഞ്ഞ പതിനെട്ടുകാരന് കോടതി ജാമ്യം അനുവദിച്ചു. മലപ്പുറം തിരൂരങ്ങാടി തെന്നല സ്വദേശിയായ പ്ലസ്ടു വിദ്യാര്ഥി ശ്രീനാഥിനാണ് കോടതി ജാമ്യം അനുവദിച്ചത്. കഴിഞ്ഞദിവസമാണ് ജാമ്യം അനുവദിച്ചത്.
പരിശോധനഫലം ലഭിച്ചതിനു പിന്നാലെ സ്വന്തം ജാമ്യത്തില് പോക്സോ കോടതി വിട്ടയക്കുകയായിരുന്നു. പീഡനത്തിന് ഇരയായ പതിനേഴുകാരി ഗര്ഭിണിയായ കേസിലാണ് പെണ്കുട്ടിയുടെ മൊഴിപ്രകാരം കഴിഞ്ഞ ജൂണ് 22ന് ശ്രീനാഥിനെ പോക്സോ കേസില് അറസ്റ്റ് ചെയ്ത് റിമാന്ഡിലാക്കിയത്. എന്നാല് ശ്രീനാഥ് കുറ്റം നിഷേധിച്ചു. തുടര്ന്ന് ശ്രീനാഥിന്റെ അപേക്ഷ പ്രകാരം നടത്തിയ ഡിഎന്എ പരിശോധനയുടെ ഫലം നെഗറ്റീവായതോടെയാണ് മഞ്ചേരി പോക്സോ കോടതി സ്വന്തം ജാമ്യത്തില് വിട്ടയച്ചത്.
പോക്സോയ്ക്കു പുറമെ 346, 376, 342 ഐ പി സി വകുപ്പുകളും ശ്രീനാഥിനെതിരെ ചുമത്തിയിട്ടുണ്ട്. കോടതിയുടെ പ്രത്യേക നിര്ദേശപ്രകാരം മണിക്കൂറുകള്ക്കുളളില് തിരൂര് സബ് ജയില് നിന്ന് കുട്ടിയെ പുറത്തിറക്കി. പെണ്കുട്ടി പീഡനത്തിന് ഇരയായ കേസില് പ്രതിയായി ഒന്നോ അതിലധികമോ പേരുണ്ടോ എന്നറിയാന് ഇനിയും വിശദമായ പുനരന്വേഷണം വേണ്ടി വരും.
Keywords: 18-year-old released on bail after 35 days in jail, Malappuram, News, Local News, Molestation, Pregnant Woman, Court, Jail, Kerala.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
