ADVERTISEMENT
മന്ത്രിമാരായ ആര്യാടന് മുഹമ്മദ്, വി.എസ്. ശിവകുമാര്, ചീഫ് വിപ്പ് പി.സി. ജോര്ജ്, കെപിസിസി പ്രസിഡന്റ് രമേശ് ചെന്നിത്തല, എംപിമാരായ ശശി തരൂര്, കെ.ഇ. ഇസ്മായില്, കെ. മുരളീധരന് എംഎല്എ, എം. വിജയകുമാര് തുടങ്ങിയവര് ആശംസകളര്പ്പിക്കും. മേജര് ആര്ച്ച് ബിഷപ് മാര് ബസേലിയോസ് ക്ളിമ്മിസ് കാതോലിക്കാബാവ, ശാന്തിഗിരി ആശ്രമം ഓര്ഗനൈസിങ് സെക്രട്ടറി ഗുരുരത്നം ജ്ഞാനതപസ്വി എന്നിവര് മുഖ്യാതിഥികളായിരിക്കും.
സമസ്ത കേരള ജംഇയ്യത്തുല് ഉലമ പ്രസിഡന്റ് സയ്യിദ് അബ്ദുര് റഹ്മാന് അല്ബുഖാരി ഉള്ളാള് അധ്യക്ഷത വഹിക്കും. സമ്മേളനത്തില് പങ്കെടുക്കുന്നവര് കാന്തപുരം എ.പി. അബൂബക്കര് മുസല്യാരുടെ നേതൃത്വത്തില് മാനവിക പ്രതിജ്ഞയെടുക്കും.
സംസ്ഥാനത്തിന്റെ വിവിധ ഭാഗങ്ങളില്നിന്നായി അയ്യായിരത്തിലധികം വാഹനങ്ങളില് പ്രവര്ത്തകരെത്തുമെന്ന് എസ്.വൈ.എസ് സംസ്ഥാന വൈസ് പ്രസിഡന്റ് സയ്യിദ് ഉമറുല് ഫാറൂഖ് അല്ബുഖാരിയും ജനറല് സെക്രട്ടറി പേരോട് അബ്ദുര് റഹ്്മാന് സഖാഫിയും അറിയിച്ചു. വെള്ളിയാഴ്ച രാത്രി മംഗലാപുരത്തുനിന്നു പുറപ്പെടുന്ന പ്രത്യേക ട്രെയിന് ശനിയാഴ്ച രാവിലെ 11ന് ഇവിടെ എത്തും.
ഏപ്രില് 12നു കാസര്കോട്ടുനിന്നു പര്യടനമാരംഭിച്ച കേരള യാത്ര അറുപതു കേന്ദ്രങ്ങളില് നടന്ന സ്വീകരണ സമ്മേളനങ്ങള്ക്കു ശേഷമാണു തിരുവനന്തപുരത്തെത്തുന്നത്. ഇതുവരെ പതിനഞ്ചു ലക്ഷത്തിലധികം പേര് വിവിധ ഇടങ്ങളിലായി നടന്ന സ്വീകരണ പൊതുസമ്മേളനങ്ങളില് പങ്കെടുത്തിട്ടുണ്ടെന്ന് എസ്.വൈഎസ് സെക്രട്ടറിമാരായ സി.പി. സൈതലവിയും എ. സൈഫുദീന് ഹാജിയും പറഞ്ഞു.
Keywords: Thiruvananthapuram, Kerala, Kanthapuram A.P.Aboobaker Musliyar, Keralayathra
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്സ്ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
