'ഹാര്‍ദിക് 50 അടിച്ചാല്‍ ഞാന്‍ എന്റെ ജോലി രാജിവെക്കും': ജിടി നായകന്റെ ഫിഫ്റ്റിക്ക് ശേഷം ആരാധകന്റെ ബാനര്‍ വൈറലാകുന്നു; നെറ്റിസണ്‍മാരുടെ രസകരമായ പ്രതികരണം ഇങ്ങനെ

കഴിഞ്ഞദിവസം നടന്ന ഇന്‍ഡ്യന്‍ പ്രീമിയര്‍ ലീഗിന്റെ (IPL) 2022 പതിപ്പിന്റെ നാലാം മത്സരത്തില്‍ സണ്‍റൈസേഴ്സ് ഹൈദരാബാദിനെതിരെ (SRH) അര്‍ധ സെഞ്ചുറി നേടിയ ഗുജറാത് ടൈറ്റന്‍സ് (GT) കാപ്റ്റന്‍ ഹാര്‍ദിക് പാണ്ഡ്യ ഒടുവില്‍ തന്റെ ടീമിനായി ബാറ്റുമായി രംഗത്തെത്തി. തിങ്കളാഴ്ച നവി മുംബൈയിലെ ഡോ. ഡി വൈ പാടീല്‍ സ്പോര്‍ട്സ് അകാദമിയില്‍.

ഫോമിലുള്ള ശുഭ്മാന്‍ ഗിലിന്റെ വികറ്റ് തുടക്കത്തിലേ നഷ്ടമായതിനാല്‍ ജിടിക്ക് മികച്ച തുടക്കമായിരുന്നില്ല. ഹാര്‍ദികും ഡേവിഡ് മിലറും 100 റണ്‍സ് കടക്കുന്നതിന് മുമ്പ് SRH വികറ്റുകള്‍ വീഴ്ത്തിക്കൊണ്ടിരുന്നു. എന്നിരുന്നാലും, കാപ്റ്റനും കര്‍ണാടക യുവതാരം അഭിനവ് മനോഹറും തമ്മിലുള്ള കൂട്ടുകെട്ടാണ് ടീമിന്റെ സ്‌കോറിന് മാന്യത നല്‍കിയത്. ഹാര്‍ദികിന്റെ ഇന്നിംഗ്സ് തന്റെ ടീമിനെ തുണച്ചപ്പോള്‍, 'ഹാര്‍ദിക് 50 അടിച്ചാല്‍ ഞാന്‍ എന്റെ ജോലി രാജിവെക്കും' എന്ന പ്ലകാര്‍ഡുമായി കളി കാണാനെത്തിയ കാണികള്‍ക്ക് മുന്നില്‍ ഒരു ആരാധകന്‍ എത്തി.

ഇതോടെ കാമറ ആരാധകന് നേരെ തിരിയുകയും ബാനറിന്റെ ചിത്രം സോഷ്യല്‍ മീഡിയയില്‍ വൈറലാകുകയും ചെയ്തു. ഹാര്‍ദിക് അര്‍ധ സെഞ്ചുറി അടിച്ചതോടെ സോഷ്യല്‍ മീഡിയകളില്‍ അത് രസകരമായ കമന്റുകള്‍ക്ക് ഇടവരുത്തുകയും ചെയ്തു. ഈ മനുഷ്യന്‍ ഇനി ശരിക്കും രാജിവെക്കാന്‍ പോകുകയാണോ എന്നായി പലരടേയും സംശയം. ഇതോടെ ചിലര്‍ തമാശ നിറഞ്ഞ മെമ്മുകളിലൂടെ രാജി ചോദിച്ചു.

എന്നിരുന്നാലും, മത്സരത്തിലെ അവരുടെ ആദ്യ തോല്‍വിയെ GT നേരിട്ടതിനാല്‍, ഹാര്‍ദികിന്റെ ഫിഫ്റ്റി തന്റെ ടീമിനെ സഹായിച്ചില്ല. കാപ്റ്റന്‍ കെയ്ന്‍ വില്യംസനിന്റെ അര്‍ധസെഞ്ചുറിക്ക് ശേഷം 34 (18) റണ്‍സുമായി പുറത്താകാതെ നിന്ന വികറ്റ് കീപര്‍ ബാറ്റര്‍ നികോളാസ് പൂരന്‍ പുറത്താകാതെ നിന്നതോടെ സണ്‍റൈസേഴ്സ് അഞ്ച് പന്തുകള്‍ ബാക്കി നില്‍ക്കെ 162 റണ്‍സ് പിന്തുടരാനാകുമെന്ന് തെളിയിച്ചു. പവര്‍പ്ലേയില്‍ ആദ്യ നാല് ഓവറില്‍ മികച്ച തുടക്കം ലഭിച്ചില്ലെങ്കിലും അടുത്ത രണ്ട് ഓവറില്‍ 31 റണ്‍സ് നേടി എസ്ആര്‍എച് തിരിച്ചടിച്ചു.

ഈ വിജയത്തിന്റെ ബലത്തില്‍, സണ്‍റൈസേഴ്സിന് ഇപ്പോള്‍ ബോര്‍ഡില്‍ നാലു പോയിന്റുണ്ട്, പക്ഷേ അവര്‍ ഇപ്പോഴും എട്ടാം സ്ഥാനത്ത് തുടരുന്നു, താഴ്ന്ന നെറ്റ് റണ്‍ റേറ്റ് കാരണം GT അഞ്ചാം സ്ഥാനത്തേക്ക് പിന്തള്ളപ്പെട്ടു, പക്ഷേ അവര്‍ നാലുകളികളില്‍ മൂന്നെണ്ണത്തില്‍ വിജയിച്ചിട്ടുണ്ട്.