അറിഞ്ഞു പെരുമാറണം; ഇല്ലെങ്കില്‍ ഇങ്ങനെയിരിക്കും; അശ്ലീല ആംഗ്യവുമായി എത്തിയ യുവാവിനെ ഇടിച്ചു പഞ്ചറാക്കി താരം; ഇടിയും ചവിട്ടുംകൊണ്ട് ബോധംകെട്ട് വീണതുമാത്രം ഓര്‍മയുണ്ടെന്ന് അടിയേറ്റ ആള്‍; വീഡിയോ വൈറല്‍

റിയോഡിജനീറോ: (www.kvartha.com 24.04.2019) തനിക്ക് നേരെ അശ്ലീല ആംഗ്യവുമായി എത്തിയ യുവാവിനെ ഇടിച്ച് പരുവമാക്കി ബ്രസീലിലെ വനിതാ റസലിംഗ് താരമായ ജോസീ വിറീയ. സംഭവത്തിന്റെ ദൃശ്യങ്ങള്‍ ഇപ്പോള്‍ സോഷ്യല്‍ മീഡിയയില്‍ വൈറലാണ്.

നീന്തല്‍ വസ്ത്രത്തിന്റെ ഷൂട്ടിംഗിനായി അല്പവസ്ത്രധാരിയായി നില്‍ക്കുന്ന വിറീയയെ കണ്ടപ്പോള്‍ യുവാവ് താരത്തിനെ നോക്കി അശ്ലീല ആംഗ്യം കാട്ടുകയായിരുന്നു. ഷൂട്ടിംഗ് യൂണിറ്റ് കുറച്ചകലെയായിരുന്നു. അതിനാല്‍ താരം തനിച്ചാണെന്നായിരുന്നു യുവാവിന്റെ വിചാരം. ഇതോടെ ഇയാള്‍ കമന്റുകളുമായി ഒപ്പം കൂടുകയായിരുന്നു. പ്രതികരിക്കുന്നില്ലെന്ന് കണ്ടതോടെ ഇയാള്‍ വിറീയയുടെ മുന്നില്‍ നിന്ന് സ്വയംഭോഗം ചെയ്യാനും തുടങ്ങി.


ഇതുകണ്ടതോടെ നിയന്ത്രണം വിട്ടുപോയ താരം യുവാവിനെ എടുത്തിട്ട് പെരുമാറുകയായിരുന്നു. ഒന്നുരണ്ടെണ്ണം കിട്ടിയതോടെ യുവാവ് പ്രതിരോധിക്കാന്‍ ശ്രമിച്ചു. പിന്നെന്താണ് നടന്നതെന്ന് അയാള്‍ക്ക് ഇപ്പോഴും പിടിയില്ല. ഇടിയും ചവിട്ടുംകൊണ്ട് ബോധംകെട്ട് വീണതുമാത്രം അറിയാം. ബോധംവീണതോടെ രക്ഷപ്പെടാനായി ശ്രമം നടത്തിയെങ്കിലും വിറീയ വിട്ടില്ല. പോലീസ് എത്തുന്നതുവരെ അയാളെ പിടിച്ചുവച്ചു.