പട്ടിക്കുട്ടികളെ കവറിലാക്കി മാലിന്യം നിക്ഷേപിക്കുന്ന പെട്ടിയില്‍ കൊണ്ടിട്ടു; യുവതി അറസ്റ്റില്‍

കാലിഫോര്‍ണിയ: (www.kvartha.com 24.04.2019) പട്ടിക്കുട്ടികളെ കവറിലാക്കി മാലിന്യം നിക്ഷേപിക്കുന്ന പെട്ടിയില്‍ കൊണ്ടിട്ട യുവതി അറസ്റ്റില്‍. പട്ടിക്കുട്ടികളെ ഉപേക്ഷിച്ച കാലിഫോര്‍ണിയക്കാരിക്കാണ് ഉഗ്രന്‍ പണികിട്ടിയത്.

പട്ടിക്കുട്ടികളെ കവറിലാക്കി മാലിന്യം നിക്ഷേപിക്കുന്ന പെട്ടിയില്‍ രഹസ്യമായി കൊണ്ടിടുന്നതിന്റെ ദൃശ്യങ്ങള്‍ സമീപത്തെ കടയിലെ സി.സി. ടി.വിയില്‍ പതിഞ്ഞതോടെയാണ് വിവരം പുറത്തായത്. മൂന്ന് ദിവസം മാത്രം പ്രായമുള്ള ഏഴ് പട്ടിക്കുട്ടികളെയാണ് യുവതി ഇത്തരത്തില്‍ മാലിന്യത്തൊട്ടിയില്‍ നിക്ഷേപിച്ചത്.


രക്ഷപ്പെടുത്തിയ പട്ടിക്കുട്ടികളെ പിന്നീട് സംരക്ഷണകേന്ദ്രത്തിലേക്ക് മാറ്റി. യുവതിയുടെ വീട്ടില്‍ പരിശോധന നടത്തിയ പോലീസ് മുപ്പതിലധികം പട്ടികളെ കണ്ടെത്തി. ശരിയായ രീതിയില്‍ ആഹാരം പോലും കിട്ടാത്തതിനാല്‍ ഇവയില്‍ പലതും അവശരായിരുന്നു. തുടര്‍ന്ന് ഇവയെയും സംരക്ഷണ കേന്ദ്രങ്ങളിലേക്ക് മാറ്റി.


യുവതിയെക്കുറിച്ച് പോലീസ് കൂടുതല്‍ അന്വേഷണം ആരംഭിച്ചിട്ടുണ്ട്. അതേസമയം ഇത്രയും പട്ടികളെ എന്തിനാണ് വീട്ടില്‍ സംരക്ഷിച്ചതെന്ന് വ്യക്തമല്ല.