ആരോഗ്യപ്രവര്‍ത്തകര്‍ക്ക് ഐക്യദാര്‍ഢ്യം പ്രകടിപ്പിച്ച് യുഎഇ; പിന്തുണയേകിയത് ബാല്‍ക്കണിയിലും ജനലുകള്‍ക്ക് അരികിലുമെത്തി ദേശീയഗാനം ആലപിച്ച്; വാഹനങ്ങളില്‍ നിന്നിറങ്ങി സല്യൂട്ട് ചെയ്ത് അബൂദബി പൊലീസ്

അബുദാബി: (www.kvartha.com 20.04.2020) കൊവിഡ് പ്രതിരോധ പ്രവര്‍ത്തനങ്ങളില്‍ മുന്നണി പോരാളികളായ ആരോഗ്യപ്രവര്‍ത്തകര്‍ക്ക് ഐക്യദാര്‍ഢ്യം പ്രകടിപ്പിച്ച് യു എ ഇ. ബാല്‍ക്കണിയിലും ജനലുകള്‍ക്ക് അരികിലുമെത്തി ദേശീയഗാനം ആലപിച്ചാണ് യു എ ഇ നിവാസികള്‍ ആരോഗ്യപ്രവര്‍ത്തകര്‍ക്ക് പിന്തുണയേകിയത്. ഈ സമയം അബൂദബി പൊലീസ് വാഹനങ്ങളില്‍ നിന്നിറങ്ങി സല്യൂട്ട് ചെയ്തു. ഇതിന്റെ വീഡിയോ ട്വിറ്ററില്‍ പങ്കുവെച്ചിട്ടുണ്ട്.


'ടുഗെദര്‍ വി ചാന്റ് ഫോര്‍ യുഎഇ' എന്ന പരിപാടിക്ക് കഴിഞ്ഞദിവമാണ് യുഎഇ ആഹ്വാനം ചെയ്തത്. ബുധനാഴ്ചയും വെള്ളിയാഴ്ചയും രാത്രി ഒമ്പതു മണിക്ക് എല്ലാവരും ബാല്‍ക്കണിയില്‍ നിന്ന് ദേശീയഗാനം ആലപിക്കണമെന്നായിരുന്നു ജനങ്ങള്‍ക്ക് നല്‍കിയ നിര്‍ദേശം.

#أخبارنا | بالفيديو.. الجمهور ينشد للإمارات ويتفاعل مع دوريات #شرطة_أبوظبي #أخبار_شرطة_أبوظبي #خليك_في_البيت https://t.co/mclN3XkxLK pic.twitter.com/XwzCxd6nXg

— شرطة أبوظبي (@ADPoliceHQ) April 17, 2020

കൊവിഡ് പ്രതിരോധത്തിനായി ആരോഗ്യമേഖലയില്‍ പ്രവര്‍ത്തിക്കുന്ന എല്ലാവരെയും അഭിന്ദിക്കുകയാണ് ഇതിലൂടെ ഉദ്ദേശിക്കുന്നതെന്നും ജനങ്ങളില്‍ സന്തോഷവും പ്രതീക്ഷയും പങ്കുവെക്കാനാകുമെന്നും യുഎഇ പുറത്തിറക്കിയ പ്രസ്താവനയില്‍ പറഞ്ഞിരുന്നു.