Driving Tips | യുഎഇയിൽ മഴയത്ത് വാഹനമോടിക്കുന്നുവോ? സുരക്ഷിതരാകാൻ ഈ കാര്യങ്ങൾ ശ്രദ്ധിക്കുക

 

അബൂദബി: (KVARTHA) തിങ്കളാഴ്ച വൈകുന്നേരം മുതൽ യുഎഇയിൽ കനത്ത മഴയും ഇടിമിന്നലും ആലിപ്പഴ വർഷവും ഉണ്ടാകുമെന്ന് കാലാവസ്ഥ വിഭാഗം മുന്നറിയിപ്പ് നൽകിയിരിക്കുകയാണ്. റോഡുകളിൽ ജാഗ്രത പുലർത്തണമെന്ന് യുഎഇ ആഭ്യന്തര മന്ത്രാലയം (MOI) ആവശ്യപ്പെട്ടിട്ടുണ്ട്. അത്യാവശ്യമല്ലാത്ത വാഹന യാത്രകൾ ഒഴിവാക്കാനും നിർദേശം നൽകിയിട്ടുണ്ട്. മഴക്കാലത്ത് വാഹനമോടിക്കുമ്പോൾ അപകട സാധ്യത കൂടുതലാണ്. മഴയിൽ വാഹനമോടിക്കുമ്പോൾ സുരക്ഷിതരാകാൻ ചില നുറുങ്ങുകൾ ഇതാ.
  
Driving Tips | യുഎഇയിൽ മഴയത്ത് വാഹനമോടിക്കുന്നുവോ? സുരക്ഷിതരാകാൻ ഈ കാര്യങ്ങൾ ശ്രദ്ധിക്കുക


വേഗത കുറയ്ക്കുക:

മഴ നനഞ്ഞ റോഡുകളിൽ വഴുക്കൽ കൂടുതലായിരിക്കും. അതുകൊണ്ട് വേഗത കുറച്ച് സാവധാനത്തിൽ വാഹനം ഓടിക്കുക. പെട്ടെന്ന് ബ്രേക്ക് ചവിട്ടുന്നതും തിരിയുന്നതും ഒഴിവാക്കുക. നിരന്തരം പാതകൾ മാറ്റുന്നത് ഒഴിവാക്കുക, കാരണം ഇത് അപകടത്തിന് കാരണമാകും. നിങ്ങളുടെ പിന്നിലുള്ള വാഹനയാത്രക്കാർ നിങ്ങളെ കണ്ടിട്ടുണ്ടാകില്ല എന്ന് ഓർക്കുക.


ഹെഡ്‌ലൈറ്റുകൾ ഓണാക്കുക:

മഴയത്ത് ദൃശ്യത കുറയുന്നു. മുന്നിൽ കാണുന്ന വാഹനങ്ങൾക്ക് നിങ്ങളുടെ വാഹനം കാണാൻ സഹായിക്കുന്നതിനായി മുന്നറിയിപ്പ് എന്ന നിലയിൽ ഹെഡ്‌ലൈറ്റുകൾ ഓണാക്കി വയ്ക്കുക.


ഇരുചക്ര വാഹനങ്ങൾ ഒഴിവാക്കുക:

സാധാരണ വാഹനങ്ങളെ അപേക്ഷിച്ച് മഴയിൽ ഇരുചക്ര വാഹനങ്ങൾക്ക് അപകട സാധ്യത കൂടുതലാണ്. മഴയത്ത് ഇരുചക്ര വാഹനങ്ങൾ ഉപയോഗിക്കുന്നത് ഒഴിവാക്കുക.


അകലം പാലിക്കുക:

മുന്നിൽ പോകുന്ന വാഹനവുമായി ഉചിതമായ ദൂരം പാലിക്കുക. പെട്ടെന്ന് ബ്രേക്ക് ചെയ്യേണ്ട സാഹചര്യം ഉണ്ടായാൽ ഇത് അപകടങ്ങൾ ഒഴിവാക്കാൻ സഹായിക്കും.


വെള്ളക്കെട്ടുകൾ ശ്രദ്ധിക്കുക:

റോഡിൽ വെള്ളം കെട്ടി നിൽക്കുന്ന സ്ഥലങ്ങൾ സൂക്ഷിക്കുക. ഇത്തരം സ്ഥലങ്ങളിലൂടെ കടന്നു പോകുമ്പോൾ വേഗത വളരെ കുറയ്ക്കണം. ചിലപ്പോൾ ഈ വെള്ളക്കെട്ടുകൾ അപകടകരമായ കുഴികൾ മറയ്ക്കാൻ സാധ്യതയുണ്ട്.


വെള്ളം ചീറ്റുന്നത് ഒഴിവാക്കുക:

മുന്നിൽ പോകുന്ന വാഹനങ്ങളുടെ മേൽ വെള്ളം ചീറ്റുന്നത് ഒഴിവാക്കുക. ഇത് മറ്റുള്ള വാഹനങ്ങൾക്ക് ദൃശ്യത കുറയ്ക്കുകയും അപകടങ്ങൾക്ക് കാരണമാകുകയും ചെയ്യും.


വെള്ളം കയറാതെ ശ്രദ്ധിക്കുക:

കൂടുതൽ വെള്ളം കെട്ടി നിൽക്കുന്ന ഭാഗങ്ങളിലൂടെ കടന്നു പോകുമ്പോൾ എൻജിനിൽ വെള്ളം കയറാതെ ശ്രദ്ധിക്കുക.


കാലാവസ്ഥാ മുന്നറിയിപ്പ് ശ്രദ്ധിക്കുക:

ഔദ്യോഗിക വകുപ്പുകളിൽ നിന്നുള്ള മഴയെ കുറിച്ചുള്ള മുന്നറിയിപ്പുകൾ ശ്രദ്ധിക്കുക. നിങ്ങളുടെ വാഹനത്തിൽ കയറുമ്പോൾ, ബ്രേക്ക്, ഹസാർഡ് ലൈറ്റുകൾ, ഇൻഡിക്കേറ്റർ, ഫോഗ് ലൈറ്റുകൾ, വൈപ്പർ എന്നിവ പെട്ടെന്ന് പരിശോധിക്കുക, റോഡിലായിരിക്കുമ്പോൾ നിങ്ങൾക്ക് എന്തെങ്കിലും പ്രശ്‌നങ്ങൾ നേരിടുന്നില്ലെന്ന് ഉറപ്പാക്കുക.

കാലാവസ്ഥ മാറുന്നതിനനുസരിച്ച് യുഎഇയിലെ പർവതങ്ങളും താഴ്‌വരകളും ജനപ്രിയ സ്ഥലമാണെങ്കിലും, മഴയുള്ള കാലാവസ്ഥയിൽ പർവതപ്രദേശങ്ങളിൽ നിന്ന് മാറിനിൽക്കുന്നതാണ് നല്ലത്. ദുരന്തങ്ങൾ ഉണ്ടാകാതിരിക്കാൻ മലയോര മേഖലയിലേക്കുള്ള റോഡുകൾ പൊലീസ് അധികൃതർ അടച്ചിടാറുണ്ട്.


പാർക്കിംഗ്:

മഴയിൽ വാഹനം പാർക്ക് ചെയ്യുമ്പോൾ മരങ്ങൾക്കും വൈദ്യുതി ലൈനുകൾക്കും കീഴെ പാർക്ക് ചെയ്യുന്നത് ഒഴിവാക്കുക. മിന്നലുണ്ടാകുമ്പോൾ ഇത് അപകടകരമാണ്. മഴ വളരെ കനത്തതും ദൃശ്യപരതയെ ബാധിക്കുന്നതും ആണെങ്കിൽ, ക്രമേണ വേഗത കുറയ്ക്കുകയും നിർത്തിയിടാൻ സുരക്ഷിതമായ സ്ഥലം കണ്ടെത്തുകയും ചെയ്യുക. പെട്രോൾ സ്റ്റേഷനിലോ സർവീസ് റോഡിലോ ഹൈവേയുടെ വശത്ത് നിർത്തുന്നതാണ് സുരക്ഷിതം.

Keywords:  News, Malayalam-News, World, World-News, Gulf, Gulf-News, UAE: Driving in the rain? Follow these 9 tips to stay safe.
ഇവിടെ വായനക്കാർക്ക് അഭിപ്രായങ്ങൾ രേഖപ്പെടുത്താം. സ്വതന്ത്രമായ ചിന്തയും അഭിപ്രായ പ്രകടനവും പ്രോത്സാഹിപ്പിക്കുന്നു. എന്നാൽ ഇവ കെവാർത്തയുടെ അഭിപ്രായങ്ങളായി കണക്കാക്കരുത്. അധിക്ഷേപങ്ങളും വിദ്വേഷ - അശ്ലീല പരാമർശങ്ങളും പാടുള്ളതല്ല. ലംഘിക്കുന്നവർക്ക് ശക്തമായ നിയമനടപടി നേരിടേണ്ടി വന്നേക്കാം.

Tags

Share this story

wellfitindia