ADVERTISEMENT
അബുദബി: (www.kvartha.com 11.08.2021) വഴികളിൽ ഉപേക്ഷിക്കുന്ന വൃത്തിഹീനമായ കാറുകൾക്ക് 3000 ദിർഹം പിഴ. അബുദബി മുനിസിപ്പാലിറ്റിയാണ് ഇത് സംബന്ധിച്ച് ജനങ്ങൾക്ക് മുന്നറിയിപ്പ് നൽകിയത്. ദീർഘകാലം കാറുകൾ വഴിയിൽ ഉപേക്ഷിച്ചതായി കണ്ടെത്തിയാൽ വാഹന ഉടമകൾക്ക് മൂവായിരം ദിർഹം പിഴ ചുമത്തുമെന്ന് അധികൃതർ അറിയിച്ചു. കൂടാതെ വാഹനം പിടിച്ചെടുക്കുമെന്നും അറിയിപ്പിൽ പറയുന്നു.
വൃത്തിഹീനമായി വഴിയിലുപേക്ഷിച്ച വാഹനങ്ങൾ കണ്ടെത്തിയാൽ വാഹനങ്ങളിൽ മൂന്ന് ദിവസത്തെ നോട്ടീസ് ഒട്ടിക്കുമെന്നും മൂന്ന് ദിവസത്തിനുള്ളിൽ ഉടമ നടപടികൾ ഒന്നും സ്വീകരിച്ചില്ലെങ്കിൽ വാഹനം കൊണ്ടുപോകുമെന്നും മുനിസിപാലിറ്റി അധികൃതർ വ്യക്തമാക്കി.
കാർ കണ്ടുകെട്ടിയ ശേഷം മുപ്പത് ദിവസത്തിനുള്ളിൽ വാഹന ഉടമ അധികൃതർ മുൻപാകെ ഹാജരായാൽ 1500 ദിർഹം മാത്രമേ അടയ് ക്കേണ്ടതുള്ളു.
ഉപേക്ഷിക്കപ്പെടുന്ന വാഹനങ്ങൾ പരിസ്ഥിതിയെ എങ്ങനെ ബാധിക്കുമെന്ന് ജനങ്ങളെ ബോധവാന്മാരാക്കാനാണ് പുതിയ ക്യാമ്പയിൻ ലക്ഷ്യമിടുന്നത്. ഉപേക്ഷിക്കപ്പെട്ട നൂറുകണക്കിന് വാഹനങ്ങളാണ് എമിറേറ്റിലുള്ളത്. മുസഫ ഇൻഡസ്ട്രിയൽ ഏരിയ, മഫ് റക്, ബനിയസ്, അൽ വത്ബ തുടങ്ങിയ സ്ഥലങ്ങളിലാണ് ഉപേക്ഷിക്കപ്പെട്ട വാഹനങ്ങൾ കൂടുതലുള്ളത്.
SUMMARY: The new campaign aims to educate the community about how abandoned cars are affecting their surroundings and guide them on how to keep their vehicles in good condition, the authorities said.
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്‌സ്‌ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
