ഖാസിം ഉടുമ്പുന്തല

ശാർജ: (KVARTHA) യുഎഇ സു​പ്രീം കൗ​ൺ​സി​ൽ അം​ഗ​വും ശാർജ ഭ​ര​ണാ​ധി​കാ​രി​യു​മാ​യ ശൈഖ് സുൽത്വാൻ ബിൻ മുഹമ്മദ് അൽ ഖാസിമിയുടെ ര​ക്ഷാ​ക​ർ​തൃ​ത്വ​ത്തി​ൽ ശാർ​ജ ബു​ക്​ അ​തോ​റി​റ്റി ഏ​റ്റ​വും മി​ക​വുറ്റ സൗകര്യങ്ങളോ​ട്​ കൂ​ടി​യാ​ണ്​ അ​ക്ഷ​ര പ്രേ​മി​ക​ളെ ഇ​ത്ത​വ​ണ​യും വ​രവേറ്റത്. റോ​ക്ക​യാ​യി​രു​ന്നു ഇ​ത്ത​വ​ണത്തെ അ​തി​ഥി രാ​ജ്യം. ഇ​ന്ത്യ​യി​ൽ നിന്നുൾപ്പെടെ ഏ​റ്റ​വും പു​തി​യ കൃ​തി​ക​ളു​മാ​യി 400 ര​ച​യി​താ​ക്ക​ളാ​ണ്​ മേളയുടെ ഭാഗമായത്.

'ഇത് ഒരു പുസ്തത്തിൽ നിന്ന് ആരംഭിക്കുന്നു' (هكذا نبدأ) എന്ന പ്രമേയത്തിലാണ് 43-മത് അന്താരാഷ്ട്ര പുസ്തകമേള നവംബര്‍ ആറ് മുതല്‍ 17 വരെ ശാര്‍ജ എക്സ്‌പോ സെന്ററില്‍ നടന്നത്. 1982 മുതൽ യു.എ.ഇ.യിലെ ശാർജയിൽ നടത്തുന്ന അന്താരാഷ്ട്ര പുസ്തകോത്സവമാണ് ശാർജ അന്താരാഷ്ട്ര പുസ്തകോത്സവം. യുഎഇ സുപ്രീം കൗൺസിൽ അംഗവും, ശാർജ ഭരണാധികാരിയുമായ ശൈഖ് ഡോ. സുൽത്വാൻ ബിൻ മുഹമ്മദ് അൽഖാസിമിയുടെ രക്ഷാകർത്വത്തിലാണ് പരിപാടി നടക്കുന്നത്.

ലോകത്തിലെ ഏറ്റവും വലിയ പുസ്തകോത്സവങ്ങളിൽ നാലാംസ്ഥാനമാണ് ഈ പുസ്തകോത്സവത്തിനുള്ളത്. ശാർജയിലെ വേൾഡ് ട്രേഡ് ആൻഡ് എക്സ്പോ സെന്ററിൽ എല്ലാവർഷവും നവംബർ മാസത്തിലാണ് ഈ പുസ്തകോത്സവം നടക്കുന്നത്. ഇത്തവണ 112 രാജ്യങ്ങളില്‍നിന്നുള്ള 2522 പ്രസാധകരും പ്രദര്‍ശകരും പങ്കെടുക്കുകയുണ്ടായി. 400-ലേറെ എഴുത്തുകാര്‍ അവരുടെ ഏറ്റവും പുതിയ കൃതികളുമായെത്തി. 12 ദി​വ​സ​ത്തി​നി​ടെ പ്ര​കാ​ശ​നം ചെ​യ്ത​ത്​ 750 പു​സ്ത​ക​ങ്ങ​ൾ ആണ്.

63 രാജ്യങ്ങളില്‍നിന്നുള്ള 250 അതിഥികള്‍ നയിച്ച 1357 സാംസ്‌കാരിക പരിപാടികളുണ്ടായിരുന്നു. ഏത് പ്രായക്കാര്‍ക്കും അനുയോജ്യമായ പരിപാടികള്‍ക്കായിരിരുന്നു ഇത്തവണ മുൻതൂക്കം ലഭിച്ചിരുന്നത്. അന്താരാഷ്ട്ര പാചക വിദഗ്ദരുടെ നേതൃത്വത്തില്‍ ലൈവ് പാചക സെഷനുകള്‍ ഉണ്ടായിരിരുന്നു. വിയറ്റ്നാം, ഒമാന്‍, സ്ലോവേനിയ, നേപ്പാള്‍ എന്നിവിടങ്ങളില്‍നിന്ന് ഉള്‍പ്പെടെ  13 രാജ്യങ്ങളില്‍നിന്ന് 17 ഷെഫുമാരെത്തുകയുണ്ടായി.

എല്ലാ പ്രായക്കാര്‍ക്കുമായി ഏതാണ്ട് 600 വര്‍ക്ക്ഷോപ്പുകള്‍ നടത്തുകയുണ്ടായി. ക്രിയേറ്റീവ് റൈറ്റിങ് രംഗത്തെ വിദഗ്ധരുടെ മേല്‍നോട്ടത്തില്‍ മുന്‍കൂട്ടി ബുക്ക് ചെയ്ത എക്സ്‌ക്ലൂസീവ് വര്‍ക്ക്‌ഷോപ്പുകളുമുണ്ടായിരുന്നു. യുഎ.ഇ.യിലെ പ്രവാസി മലയാളികൾക്ക് ഈ ദിനങ്ങൾ സമ്മാനിച്ചത് വാക്കുകളുടെ ഉത്സവംകൂടിയായിരുന്നു. കഴിഞ്ഞ 43 വർഷമായി പ്രവാസമണ്ണിൽ അരങ്ങേറിയ വായനയുടെ ലോകോത്തരമേളയായിരുന്നു ഇത്തവണത്തെ ശാർജ വായനോത്സവം.

എമി​റേ​റ്റി​ലെ ലൈ​ബ്ര​റി​ക​ൾ സ​മ്പു​ഷ്ട​മാ​ക്കാ​നാ​യി പു​സ്ത​ക​ങ്ങ​ൾ വാ​ങ്ങിക്കുവാനായി ശാ​ർ​ജ ഭ​ര​ണാ​ധി​കാ​രി 45 ല​ക്ഷം ദി​ർ​ഹ​മാ​ണ്​ പ്ര​ഖ്യാ​പി​ച്ച​ത്. യുഎ.​ഇ​യു​ടെ സാം​സ്കാ​രി​ക ത​ല​സ്ഥാ​ന​മെ​ന്ന ഖ്യാതി ഒ​രി​ക്ക​ൽ കൂ​ടി അരക്കിട്ടുറപ്പിച്ചു കൊണ്ടാണ് ഇ​ത്ത​വ​ണ​യും ശാർജ പുസ്തക മേ​ള​ക്ക്​ കൊ​ടി​യി​റ​ങ്ങു​ന്ന​ത്.

#SharjahBookFair #UAE #books #literature #reading