സൗദിയില്‍ സ്വദേശി ഡ്രൈവര്‍മാരെ കിട്ടാനില്ല

റിയാദ് : സൗദി അറേബ്യയില്‍ സ്വദേശികളായ ടാക്‌സി ഡ്രൈവര്‍മാരെ കിട്ടാനില്ലെന്ന് റിപ്പോര്‍ട്ട്. നിലവില്‍ ഡ്രൈവര്‍മാരായിട്ടുളളവര്‍ ജോലി ഉപേക്ഷിക്കുകയാണെന്നും റിപ്പോര്‍ട്ടില്‍ പറയുന്നു. ദീര്‍ഘനേരമുള്ള ഡ്രൈവിംഗും കുറഞ്ഞ വേതനവുമാണ് ഇതിനു കാരണമെന്നു തൊഴില്‍ മന്ത്രാലയം തയാറാക്കിയ റിപ്പോര്‍ട്ടില്‍ പറയുന്നു.

ടാക്‌സി സേവനം ഉപയോഗിക്കുന്നതില്‍ ഭൂരിഭാഗവും വിദേശികളാണ്. രാജ്യത്തുണ്ടാകുന്ന അക്രമങ്ങളും തട്ടിക്കൊണ്ടു പോകലും സ്വദേശികളുടെ ടാക്‌സികളിലാണ്. ഇതിനാല്‍ കൂടുതല്‍ പേരും വിദേശികള്‍ ഓടിക്കുന്ന ചെയ്യുന്ന ടാക്‌സികളാണ് ഉപയോഗിക്കുന്നത്. ടാക്‌സി സംവിധാനം മെച്ചപ്പെടുത്തണമെന്നു ഭരണാധികാരി അബ്ദുള്ള രാജാവ് നിര്‍ദേശം നല്‍കിയിരുന്നു. ഇതനുസരിച്ചു മീറ്റര്‍ സംവിധാനം അടക്കമുള്ള സൗകര്യങ്ങള്‍ ഏര്‍പ്പാടാക്കാന്‍ തീരുമാനിച്ചിരുന്നു.

key words: Taxi drivers, local drivers, tourists, visa, saudi arabia, consulate, password, crime, delhi, mumbai