ഖാസിം ഉടുമ്പുന്തല

ദുബൈ: (KVARTHA) യുഎഇയില്‍ പുതിയ മേല്‍പാലം തുറന്നു. ദുബൈയിലെ പ്രധാന ഗതാഗത ഇടനാഴിയിലാണ് പുതിയ മേല്‍പാലം കൂടി തുറന്നത്. ശൈഖ് റാശിദ് റോഡിനെ ഇന്‍ഫിനിറ്റി ബ്രിഡ്ജുമായി ബന്ധിപ്പിക്കുന്ന മൂന്നുവരിയുള്ള പാലത്തിന്‍റെ നിര്‍മാണമാണ് പൂര്‍ത്തിയായത്. മേല്‍പ്പാലം വരുന്നതോടെ ഗ​താ​ഗ​തകു​രു​ക്കി​ന്​ പ​രി​ഹാ​ര​മാ​കു​മെ​ന്ന്​ ദു​ബൈ റോ​ഡ്​ ഗ​താ​ഗ​ത അ​തോ​റി​റ്റി (ആ​ർടിഎ) ചെയർമാൻ മത്വർ മുഹമ്മദ് അൽ-ത്വായിർ അ​റി​യി​ച്ചു. 

ശൈ​ഖ്​ ഖ​ലീ​ഫ ബി​ൻ സാ​യി​ദ്​ ഇ​ന്‍റ​ർ​സെ​ക്ഷ​ൻ മു​ത​ൽ അ​ൽ മി​ന സ്​​ട്രീ​റ്റി​ലെ ഫാ​ൽ​ക​ൺ ഇ​ന്‍റ​​ർ​ചേ​ഞ്ച്​ വ​രെ 4.8 കി​ലോ​മീ​റ്റ​ർ നീ​ള​മു​ള്ള അ​ൽ ശി​ന്ദ​ഗ ഇ​ട​നാ​ഴി വി​ക​സ​നപ​ദ്ധ​തി​യു​ടെ നാ​ലാം ഘ​ട്ട​ത്തി​ന്‍റെ ഭാ​ഗ​മാ​യാ​ണ് വികസന പ്ര​വൃ​ത്തി​ക​ൾ ദ്രുതഗതിയിൽ പുരോഗമിക്കുന്നത്. പദ്ധതിയുടെ ഭാഗമായി മൂന്ന് പാലങ്ങള്‍ കൂടി നിര്‍മ്മിക്കുന്നുണ്ട്. 3.1കിമീ നീളം വരുന്ന മൂന്ന് പാലങ്ങളാണ് നിര്‍മിക്കുന്നത്. 

മ​ണി​ക്കൂ​റി​ൽ 19,400 വാ​ഹ​ന​ങ്ങ​ളെ ഉ​ൾ​ക്കൊ​ള്ളാ​നു​ള്ള ശേ​ഷി​യു​ണ്ടാ​കും. പ​ദ്ധ​തി​യു​ടെ നാ​ലാം​ഘ​ട്ടം 71 ശ​ത​മാ​നം പൂ​ർ​ത്തി​യാ​യ​​താ​യി ആ​ർടിഎ ചെയർമാൻ മത്വർ മുഹമ്മദ് അൽ ത്വാഇർ വ്യ​ക്ത​മാ​ക്കി. അ​ൽ മി​ന ഇ​ന്‍റ​ർ​സെ​ക്ഷ​നെ ശൈ​ഖ്​ ഖ​ലീ​ഫ ബി​ൻ സാ​യി​ദ്​ സ്​​ട്രീ​റ്റു​മാ​യി ബ​ന്ധി​പ്പി​ക്കു​ന്ന ശൈ​ഖ്​ റാ​ശി​ദ്​ റോ​ഡി​ലെ രണ്ടാമത്തെ പാ​ലം ജ​നു​വ​രി ആ​ദ്യ പ​കു​തി​യി​ൽ തു​റ​ക്കും. ര​ണ്ട്​ ദി​ശ​യി​ലേ​ക്കും മൂ​ന്നുവ​രി​യു​ള്ള പാ​ല​ത്തി​ന്‍റെ നീ​ളം 1335 മീ​റ്റ​റാ​ണ്. 

ശൈ​ഖ്​ റാ​ശിദ്​ റോ​ഡി​നും ഫാ​ൽ​ക്ക​ൻ ഇ​ന്‍റ​ർ​ചേ​ഞ്ചി​നും ഇ​ട​യി​ൽ ഗ​താ​ഗ​തം സു​ഗ​മ​മാ​ക്കാ​ൻ സ​ഹാ​യി​ക്കു​ന്ന പാല​ത്തി​ന്‍റെ​ ഇ​രു ദി​ശ​യി​ലൂ​ടെ​യും മ​ണി​ക്കൂ​റി​ൽ 10,800 വാ​ഹ​ന​ങ്ങ​ൾ​ക്ക്​ ക​ട​ന്നു​പോ​കാനാകും. ഫാ​ൽ​ക്ക​ൺ ഇന്‍റ​ർ​ചേ​ഞ്ചി​ൽനി​ന്ന്​ അ​ൽ വ​സ​ൽ റോ​ഡു​വ​രെ 780 മീ​റ്റ​റി​ൽ മൂ​ന്നു വ​രി​യു​ള്ള​താ​ണ്​ ര​ണ്ടാ​മ​ത്തെ പാ​ലം. മണിക്കൂ​റി​ൽ 5400 വാ​ഹ​ന​ങ്ങ​ളെ ഉ​ൾ​ക്കൊ​ള്ളാ​നു​ള്ള ശേ​ഷിയുണ്ടാകും. ജു​മൈ​റ സ്​​ട്രീ​റ്റി​നും അ​ൽ മി​ന സ്​​ട്രീ​റ്റി​നും ഇ​ട​യി​ലാ​ണ്​ മൂ​ന്നാ​മ​ത്തെ പാ​ലം വരുന്നത്. 985 മീ​റ്റ​റി​ൽ ര​ണ്ട്​ വ​രി​യു​ള്ള പാ​ല​ത്തി​ലൂ​ടെ മ​ണി​ക്കൂ​റി​ൽ 3200 വാ​ഹ​ന​ങ്ങ​ൾ​ക്ക്​ ക​ട​ന്നു​പോ​കാ​ന്‍ സാധിക്കുമെന്ന് ദുബൈ ആർ.ടി.എ.ചെയർമാൻ വ്യക്തമാക്കി.

#DubaiFlyover #NewBridge #TrafficSolutions #UAEInfrastructure #DubaiDevelopment #RTA