UAE Airports | യു എ ഇയിലെ വിമാനത്താവളങ്ങളില്‍ അതിവിപുലമായ സൗകര്യങ്ങള്‍ വരുന്നു; അടുത്ത 15 വര്‍ഷത്തെ ആവശ്യങ്ങള്‍ മുന്നിൽ കണ്ടുകൊണ്ടുള്ള നവീകരണം

 

ദുബൈ, അബുദബി, ശാര്‍ജ വിമാനത്താവളങ്ങളിലാണ് വിപുലീകരണം പൂര്‍ത്തിയാകുന്നത്. റാസല്‍ഖൈമയും ഫുജൈറയും വിമാന സര്‍വീസുകളുമായി ഇതിനോടകം സജീവമായി. ഇതോടെ കൂടുതല്‍ യാത്രക്കാരെ ഉള്‍ക്കൊള്ളാനുള്ള ശേഷി രാജ്യത്തെ വിമാനത്താവളങ്ങള്‍ നേടുകയാണ്. ഏതു സീസണിലും യാത്രക്കാര്‍ നിറയുന്ന ദുബൈ വിമാനത്താവളത്തില്‍ നവീകരണ ജോലികള്‍ തുടര്‍ പ്രക്രിയയാണ്. ഇപ്പോഴത്തെ പദ്ധതികള്‍ക്ക് 600 – 1000 കോടി ദിര്‍ഹമാണ് ചിലവ് പ്രതീക്ഷിക്കുന്നത്.

യാത്രക്കാരുടെ നീക്കം സുഗമമാക്കുക, ചെക് – ഇന്‍ കൗണ്ടറുകളുടെ എണ്ണം കൂട്ടല്‍ എന്നിവ പുതിയ നിര്‍മാണ ജോലികളുടെ പട്ടികയിലുണ്ട്. അടുത്ത 15 വര്‍ഷത്തെ ആവശ്യങ്ങള്‍ മുന്നിൽ കണ്ടു കൊണ്ടുള്ള നവീകരണമാണ് നടക്കുന്നത്. ദുബൈയിലെ രണ്ടാമത്തെ വിമാനത്താവളമായി മക്തൂം വിമാനത്താവളം സജീവമായി. മണിക്കൂറില്‍ 6000 ബാഗേജുകള്‍ കൈകാര്യം ചെയ്യാം. മക്തൂം വിമാനത്താവളത്തിലെ പുതിയ പാസൻജർ ലോഞ്ചില്‍ 24 ബോര്‍ഡിങ് ഗേറ്റുകളും നിര്‍മിക്കും. കൂടാതെ ഏഴ് ബാഗേജ് ബെല്‍റ്റുകളും 104 പുതിയ ചെക് ഇന്‍ കൗണ്ടറുകളും നിര്‍മിക്കും. < !- START disable copy paste -->