കുവൈറ്റ് സിറ്റി: (KVARTHA) രണ്ട് ദിവസത്തെ സന്ദർശനത്തിനായി പ്രധാനമന്ത്രി നരേന്ദ്ര മോദി കുവൈറ്റിൽ. 1981ൽ അന്നത്തെ പ്രധാനമന്ത്രി ഇന്ദിരാഗാന്ധിയുടെ സന്ദർശനത്തിന് ശേഷം 43 വർഷത്തിന് ശേഷം ഇതാദ്യമായാണ് ഒരു ഇന്ത്യൻ പ്രധാനമന്ത്രി കുവൈറ്റ് സന്ദർശിക്കുന്നത്.

ഈ സന്ദർശനം ഇന്ത്യയും കുവൈറ്റും തമ്മിലുള്ള ചരിത്രപരമായ ബന്ധത്തെ കൂടുതൽ ആഴത്തിലാക്കുമെന്നും കുവൈറ്റ് അമീറും പ്രധാനമന്ത്രിയും കിരീടാവകാശിയുമായി കൂടിക്കാഴ്ച നടത്തുമെന്നും  യാത്ര പുറപ്പെടുന്നതിന് മുമ്പ് എക്‌സ് പോസ്റ്റിൽ പ്രധാനമന്ത്രി അറിയിച്ചു. ശനിയാഴ്ച വൈകുന്നേരം ഇന്ത്യൻ സമൂഹത്തെ കാണുമെന്നും അറേബ്യൻ ഗൾഫ് കപ്പിൻ്റെ ഉദ്ഘാടന ചടങ്ങിൽ പങ്കെടുക്കുമെന്നും അദ്ദേഹം പറഞ്ഞു. 

തലമുറകളായി പരിപോഷിപ്പിക്കപ്പെട്ട കുവൈറ്റുമായുള്ള ചരിത്രപരമായ ബന്ധത്തെ ആഴത്തിൽ വിലമതിക്കുന്നു. ശക്തമായ വ്യാപാര-ഊർജ പങ്കാളികൾ മാത്രമല്ല, പശ്ചിമേഷ്യൻ മേഖലയിലെ സമാധാനം, സുരക്ഷ, സ്ഥിരത, സമൃദ്ധി എന്നിവയിൽ താൽപ്പര്യം പങ്കിടുന്നവർ കൂടിയാണ്. ഈ സന്ദർശനം ഇന്ത്യയിലെയും കുവൈത്തിലെയും ജനങ്ങൾ തമ്മിലുള്ള സവിശേഷമായ ബന്ധങ്ങളും സൗഹൃദബന്ധങ്ങളും കൂടുതൽ ശക്തിപ്പെടുത്തുകയും ദൃഢമാക്കുകയും ചെയ്യുമെന്നും പ്രധാനമന്ത്രി വ്യക്തമാക്കി.

प्रधानमंत्री @narendramodi कुवैत के लिए रवाना हो गए हैं

यह 43 वर्षों में भारतीय प्रधानमंत्री का कुवैत का पहला दौरा है#PMInKuwait #IndiaKuwaitRelations #HalaModi #Kuwait #India @indembkwt @PMOIndia @MIB_India @MEAIndia pic.twitter.com/lE3ycPn7kJ

— डीडी न्यूज़ (@DDNewsHindi) December 21, 2024

നേരത്തെ 2009-ൽ അന്നത്തെ ഇന്ത്യൻ ഉപരാഷ്ട്രപതി ഹമീദ് അൻസാരി കുവൈറ്റ് സന്ദർശിച്ചിരുന്നു. ഇന്ദിരാഗാന്ധിയുടെ സന്ദർശനത്തിന് ശേഷം ഒരു ഇന്ത്യൻ ഭരണാധികാരിയുടെ കുവൈറ്റിലേക്കുള്ള ഏറ്റവും പ്രധാനപ്പെട്ട സന്ദർശനമായിരുന്നു ഇത്.

#ModiInKuwait, #IndiaKuwaitRelations, #HalaModi, #IndianPM, #KuwaitVisit, #India