ദുബൈയിൽ വെൽഡിങ് ജോലിക്കിടെ കെട്ടിടത്തിൽ നിന്ന് വീണ് മലയാളി യുവാവ് മരിച്ചു

ദുബൈ: (KVARTHA) ജോലിക്കിടെ കെട്ടിടത്തിൽ നിന്ന് താഴേക്ക് വീണ് മലയാളി യുവാവ് മരിച്ചു. മലപ്പുറം തിരൂരങ്ങാടി പന്താരങ്ങാടി പതിനാറുങ്ങൽ ആണിത്തറ സ്വദേശി അയിമ്പാടി മുസ്തഫയുടെ മകൻ മുഹ്‌സിൻ (23) ആണ് മരിച്ചത്. 

വെൽഡിങ് ജോലിക്കിടെ അപകടം

ദുബൈ റാസൽഖൂറിലെ ശോഭ വൺ ടവറിൽ വെൽഡിങ് ജോലിക്കിടെയായിരുന്നു അപകടം സംഭവിച്ചത്. നിർമാണം നടക്കുന്ന കെട്ടിടത്തിൻ്റെ 64-ാം നിലയിൽ നിന്ന് ജോലി ചെയ്യുന്നതിനിടെ മുഹ്‌സിൻ അബദ്ധത്തിൽ താഴേക്ക് വീഴുകയായിരുന്നു. അപകടം നടന്നയുടൻ തന്നെ ആശുപത്രിയിൽ എത്തിക്കാൻ ശ്രമിച്ചെങ്കിലും ജീവൻ രക്ഷിക്കാനായില്ല.

മൃതദേഹം നാട്ടിലെത്തിക്കാൻ ശ്രമം

സുമയ്യ ഉള്ളണം ആണ് മരിച്ച മുഹ്‌സിൻ്റെ മാതാവ്. സ്വഫ് വാൻ, മുഫീദാ സനിയ്യ എന്നിവർ സഹോദരങ്ങളാണ്.

തൊഴിലിടത്തെ അപകട മരണമായതിനാൽ ഇൻക്വസ്റ്റ് അടക്കമുള്ള ദുബൈയിലെ നിയമനടപടികൾ പൂർത്തിയാക്കിയ ശേഷമാകും മൃതദേഹം നാട്ടിലെത്തിക്കുക. ഇതിനായി സാമൂഹിക പ്രവർത്തകരുടെ നേതൃത്വത്തിൽ ഇന്ത്യൻ കോൺസുലേറ്റുമായി ബന്ധപ്പെട്ടുള്ള ശ്രമങ്ങൾ പുരോഗമിക്കുകയാണ്. പോസ്റ്റ്‌മോർട്ടം നടപടികൾക്ക് ശേഷം മൃതദേഹം എത്രയും വേഗം നാട്ടിലെത്തിക്കാനാണ് ബന്ധുക്കൾ ശ്രമിക്കുന്നത്.

കൂടുതല്‍ വാർത്തകളും വിശേഷങ്ങളും അറിയാന്‍ ഞങ്ങളുടെ ഫേസ്ബുക്ക് പേജും വാട്സ് ആപ്പ് ചാനലും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക്ക് പോസ്റ്റിന് കമൻ്റായി രേഖപ്പെടുത്തുക. 

Article Summary: 23-year-old Malayali youth Muhsin dies after falling from a building in Dubai.

#Kvartha #DubaiNews #MalayaliDeath #GulfNewsMalayalam #TirurangadiNews #MalappuramNews #SobhaNews